1 TIMOTHEE 2

1Nyan ke kété non nyange’t malang ɓaa, m’ndeje sei le kade i deji nyange Nube ɔji se’n tà i kati nin kàt-kàt, i rai nin oiyo tede dooge malang a tɔ. 2Ɔji tà se Nube tede ngar-ɓeege, tede le njé ke tɔge konɓee è ji de’t tede kade jè ndii jêke^ se kem̂lom dè kile koje dè Nube’t. Titeke bè á j’à ra’n nyange gai-gai ke maje. 3E á è nyan ke maje ke taa kum Nube njèkaje jéi 4ke ndige le kade dooge malang ingei kaje a, le kade kum de gang dè ngarankum tà’t maje a tɔ. 5Nube è karé bere luk-luk, njè nda dann Nube’t se dooge géa è karé bere luk-luk a tɔ. Doo nè nga è Jésu-Krist. 6Jésu-Krist inye ra’n è kuwe ade yo uge’n dè dooge malang. E ke nè á è tà ke è ɔrgo kété kem̂ ndɔn’t le’n nga. 7E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ. 8M’lanm lé; è Nube kuwe ɔr’m unde’m ke njèkile mber le’n. Man m’ndige le kade dingemge ɔyi ji de ke unju nyang-nyang ke danrán ɔji tà se Nube se loo malang se kem̂nda káng anje ra wong se naje tà. 9Dinyege géa, m’ndige le kade ulei kubu ke karè ke tuwe de ɗêw se kumkunju’n. Maje kade ebi ra de kuwe dè de se nyange ke mbirin-mbin éké dè tule mede-mbi ke dé ra se nar-ɔr mbi de’t. Maje kade ebi ra de dè tule kubuge ke nar de ur kugu-kugu a tɔ. 10Nè maje kade nyanrage ke maje á ei kubu kule ra’t le de. E ke nè á è nyan ke tuwe dinyege ke njétaakem̂-Kristge nga ɗêw. 11Maje kade dinye ndi loo ndó nyan’t tà’n mundu se ngonn koje ke deri. 12Man m’inye loo m’ade dinye kade ndó nyan dingem éké le kade on dè’n lé a tɔ. Nè maje kade dinye ndi tà’n mundu. 13Tede Nube unde Adam kété pa ɓita unde Eve ute’n go’n ɓai. 14E Adam á ade dé sú’n lé, nè è dinye á ade dé sú’n d’ade al’n tà tà Nube’t. 15Nè né è bè géa, d’a d’ade dinye à aje loo koje ngannge’t ke nè á è nda njáng dè kundekem̂ se dè tár nan’t se dè ra ke unju nyang-nyang a, se dè nal ti ra’t a tɔ.

will be added

X\