DOAGIDIMA 22

1Lani maleki yeni den waani nni li miali kpenciamu yu n tie yengiyengi nani mi tanpenpelinma yeni, ke u ña U Tienu leni ki Pebiga bali kalikaanu kani. 2U dogu fanma siiga leni u kpenciamu boanjaalieda po yaa miali n kan gbeni tibu ye ki luoni piiga n taalima lie binli kuli, ŋmaali kuli yenma. Bu faadi baa tie i nibuoli paagima po. 3U Tienu solindi kaa go ye. U Tienu leni ki Pebiga bali kalikaanu baa ye u dogu yeni niinni. O naacenba baa kpiagidi o, 4ki nua o nunga, o yeli mo baa taabi bi yutuna. 5Ku ñiagu kan go yaa ye. O naacenba kan go bua fidisanga, bi kan bua yienu yenma mo kelima o Diedo U Tienu baa yendi bipo. Bi baa die hali yaa yogunu kuli. 6Maleki yeni go den yedi nni: «Laa maama tie madugikaama, ki go tie moamoani. O Diedo U Tienu yua n puuni bi sawalipuaba o Fuoma soani o maleki wan waani o naacenba yaa bonla n baa tieni tiladi ke li kan waagi.” 7O yedi: «Diidi, n cuama kan waagi. Li pamanli ye leni yua n tuo ki kubi li naa tili sawalipua-maama.” 8Mini Jan n den gbadi ki go laa laa bonla kuli. Min den gbadi ki laa la yaa yogunu, n den gbaani yaa maleki n waani nni la nintuali, ki baa kpiagi o. 9Ama o den yedi nni: «Fangi a yuli ki da tieni yeni. N tie a tuonsoanlielo, leni a kpiiba bi sawalipuaba, leni yaaba n tuo ki kubi yaa maama n ye li naa tili nni kuli yaa tuonsoanlielo. Kpiagi U Tienu.” 10Lani maleki yeni den yedi nni: «Ŋan da wuoni li naa tili sawalipua-maama kelima li yogunu kuli. 11Yua n naa tiegi n suagi ki yaa tiendi yaala n ki tiegi. Yua n joagini n suagi ki yaa joagini o yuli. Yua n tiegi n suagi ki yaa tiendi yaala n tiegi. Yua n gagidi ki ŋani n suagi ki yaa gagidi ki ŋanbidi.” 12Jesu yedi: «Diidi, n cuama kan go waagi. N baa cua leni n panpaani ki pa yua kuli nani o tuona n tie maama. 13N tie Alifa leni Omega, o kpialo leni o juodika, mi cilima leni mi juodima. 14Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani. 15Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli baa ye niinpo. 16Mini Jesu den soani n maleki ke wan doagidi yipo laa bonla kuli Kilisiti n yini yaaba nitaana nni. N tie Dafidi benkpeli leni o puoliŋuanu, ki go tie ki tiŋaŋmabiga yaaga n yendi ki ñuliti.” 17Mi Fuoma leni o Pocaano kuli yedi: «Cua na!” Yua n gba kuli moko n yedi: «Cua na!” U ñunñuunu n pia yua kuli n cua. Yua n bua kuli n cua, ki yaa ñu li miali ñima ke panpaani ki ye. 18N tuodi ki waani yua n gbadi li naa tili sawalipua-maama kuli: o nilo yaa pugini lipo bonlaba, U Tienu baa pugini o panpaani po yaa falabiadi n diani li naa tili nni. 19O nilo yaa ñani bonlaba li naa tili sawalipua-maama nni, U Tienu baa ñani o biinu li miali tibu nni leni u dogagidiŋamu nni, ban maadi yaala yaa maama li naa tili nni. 20Yua n saa i moamoani yaa bonla n tie na po yedi: «Yeni de, n cuama kan waagi.” Amina, ŋan cua, o Diedo Jesu. 21O Diedo Jesu yaa ŋanbili n yaa ye leni yikuli. ———————- —————————————————————————————— ———————- —————————————————————————————— 54 Error! No text of specified style in document. Error! No text of specified style in document. Error! No text of specified style in document. Error! No text of specified style in document. 55,1

will be added

X\