DOAGIDIMA 15

1Lani, n den laa maaliciantoama tanpoli po, yaama n yaba ki pia li pakili. Malekinba lele den kubi falabiadi lele, yi n tie i falabiadi-juodike, kelima U Tienu pabienli cuonu baa tieni ki dudi leni laa falabiadi. 2N go den laa yaala n naani leni mi ñincianma ke li tie tanpenpelinma ke li kali leni mi fantama. N go laa yaaba n paadi ki fuayanga leni o nannanli leni o yeli coali ke bi se mi tanpenpelinma yeni po. Bi den muubi U Tienu n den teni ba yaa kogiditi, 3ki yiini U Tienu naacemo Musa yanbu, buni, ki Pebiga yanbu, ki tua: «O Diedo U Tienu, U Paaciamu Kuli Daano, A tuona yaba ki pia mi ñuadima. A sani tiegi ki tie moamoani, Fini yua n tie i nibuoli kuli bado. 4Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a teginma doagidi.” 5Lani yaa puoli n den laa U Tienu diegu ke siedi gbandieli mo luodi tanpoli po. 6Yaa maleki-leleediba n kubi i falabiadi-leleedi den ñani U Tienu diegu nni ki yie yaa tiadi n ŋani ki pia ti kpiagidi ki ñuliti, ki ñaagi bi bena wula gbanñagiditi. 7A bonfuodinaada siiga nni yendo den teni bi maleki-leleediba yeni wula tadibuomu lele, yaamu n gbie leni U Tienu yua n ye hali yaa yogunu kuli pabienli cuonu. 8U Tienu kpiagidi leni o paaciamu den teni ke o dieli gbie leni i muñii. Oba kuli ki den fidi ki kua U Tienu diegu nni hali bi maleki-leleediba n kubi yaa falabiadi-leleedi n baa tieni ki dudi.

will be added

X\