JAN N DIANI YA TITAALI 1

1Mini o nikpelo n diani li tili fini n buado Gayusa min bua yua leni i moamoani. 2N buado, n sugini ke a yema kuli dagidi apo, ke a pia laafia a gbanandi po nani ŋan pia laafia a naano po maama. 3Ti kpiiba yaa den cua yaa yogunu ki tieni siedi ke a tie moamoandaano ki cuoni i moamoani yaa yenma nni, n pali yen mangi hali boncianla. 4Yaala n mangi n pali ki cie tie ki yaa gba ke n bila ŋua i moamoani. 5N buado, a doagidi ke a tie nidugika leni ŋan tiendi yaala ti kpiiba po, baa yaaba n tie bi canba. 6Bi den togidi Kilisiti n yini yaaba taanli siiga ŋan pia yaa buama. Li baa ŋani ŋan todi ba ban suagi liiga bi sancenli po nani lan dagidi U Tienu po maama. 7Kelima bi den fii ki gedi Jesu Yeli po, ki naa ga liba bi nilanba kani. 8Lani yaa po li pundi ke tinba n yaa gaani laa nibuolu cangu, ke ti mo n taani leni ba i moamoani wangima tuonli nni. 9N den diani mi maama waamu Kilisiti n yini yaaba po. Ama Diotefe, yua n bua ki yaa tugi li yuli bi siiga yeni naa tuo tipo. 10Lani yaa po, n yaa cua, n baa togidi wan tiendi yaala kuli leni wan maadi tipo yaa mabiadima leni yaa faama kuli. Laa tie lani bebe. O go yie, waa gaani ti kpiiba cangu. Baa yaaba n bi bua ki ga bi cangu mo, waa tuo bipo, ki go deli ki ñani ba Kilisiti n yini yaaba nitaanli nni. 11N buado, ŋan da togidi yaala n bia, ama ŋan yaa togidi yaala n ŋani. Yua n tiendi yaala n ŋani tie U Tienu yua, ama yua n tiendi yaala n bia daa laa U Tienu. 12Bi niba kuli, leni i moamoani iba tiendi Demetilusa po yaa siedo n ŋani. Ti moko tiendi opo laa siedi. A bani ke ti siedi tie moamoani. 13N pia mi maama boncianla ki bua ki diani apo, ama mii bua ki diani leni mi tidianñima leni u tidianmuanu. 14N sugini ke n baa le ŋa ke li kan waagi, tin fidi ki boe. 15Mi yanduanma n yaa ye leni a. A danlinba fuondi a. Ŋan fuondi ti danlinba kuli yendo yendo.

will be added

X\