39447 5

1Yua n daani ke Jesu tie U Tienu n Gandi Yua, tie U Tienu biga. Yua n bua ki biga baa kuli baa bua o biga mo. 2Yaala n baa teni tin yaa bani ke ti bua U Tienu bila tie line: Ti yaa bua U Tienu ki go tiendi o balimaama n yedi yaala. 3Mi buama U Tienu po tie line: Tin yaa kubi o balimaama. O balimaama yeni naa tie tugikpiagili, 4kelima U Tienu n mali yua kuli paani ŋanduna. Yaala n teni ke ti paani ŋanduna tie ti dandanli. 5Ŋme paani ŋanduna? Li tie yua n daani ke Jesu tie U Tienu Bijua. 6Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani. 7Bi tie bi taa yaaba n tiendi siedi: 8Lan tie U Tienu Fuoma, mi ñima leni mi soama, ke bani bonba taa yeni kuli siedo tie yenma. 9Ti yaa saa i moamoani bi nisaaliba n tieni yaa siedi po, U Tienu n tieni yaa siedo cie, kelima li tie wan tieni yaa siedo o Bijua po. 10Yua n daani U Tienu Bijua pia laa siedi o niinni. Ama yua n naa daani U Tienu, o yedi ke U Tienu pua faama, kelima waa daani U Tienu n tieni yaa siedi o Bijua po. 11Laa siedi n tie na: U Tienu puni ti yaa miali n kan gbeni, laa miali ye o Bijua niinni. 12Yua n pia U Tienu Bijua pia li miali, yua n ki pia U Tienu Bijua, waa pia miali. 13N diani yipo lani ke yinba yaaba n daani U Tienu Bijua yeli nni n yaa bani ke yi pia yaa miali n kan gbeni. 14Tin pia yaa dugidi U Tienu kani tie tine: Tin mia yaala ke li tie o yanbuama bonla kuli, o cengi ti. 15Ti yaa bani ke o cengi ti mo, ti go bani ke ti pia tin mia o yaala. 16O nilo yaa laa ke o kpiilo tiendi yaa tuonbiadi n kan juodi mi kuuma, wan jaandi opo, U Tienu baa pa o li miali. Li tie yaaba n tieni yaa tuonbiadi n kan juodi mi kuuma yaa maama. Li pia yaa tuonbiadi n baa juodi mi kuuma. Laa tie laa tuonbiadi yaa po ke n yedi ban jaandi. 17Yaala n ki tiegi kuli tie tuonbiadi. Ama ti tuonbiadi buolu ye, yaadi n kan juodi mi kuuma. 18Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o Biado kan sii o. 19Ti bani ke ti tie U Tienu yaaba, ki go bani ke o Biado diedi ŋanduna kuli. 20Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni. 21N bibuadimu, fangi mani yi yula leni i buli.

will be added

X\