1 KOLINTA YAABA 13

1Baa n yaa bi maadi bi nisaaliba mabuoli Leni malekinba yaa mabuoli kuli, Ki naa pia mi buama, N baa tie nani yaa kudi n mua Bi nani ban pua yaa longa Ke ki tiendi ku fuugu yeni. 2Baa n yaa bi baa mi mawangima paabu, Ki go bandi yaala n duagi kuli, Ki go baa mi bandima kuli, Baa n yaa pia yaa dandanli N baa fidi ki fuadi a juana, N yaa pia mi buama, Mii tie pu. 3Baa n yaa bi boagidi n piama kuli Ki puni a luoda, Baa n yaa bi baa teni n gbanandi Ban ju mi fantama, N yaa pia mi buama, Li kan todi nni liba. 4Mi buama pia li juunli ki go ŋanbidi. Mi buama ki pia nunponli. Maa kpiagidi mi yuli, Maa gbengidi mi yuli mo. 5Maa pia boandi, Maa lingi yaala n ŋani mi yuli po bebe, Maa fiindi mi pali, Maa kpaagi yaala n bia. 6Maa mangidi mi pali Leni yaala n ki tiegi, Ama mi mangidi mi pali Leni i moamoani. 7Mi buama tiendi sugili Li bonla kuli po. Mi pia li dandanli leni mi suginma Leni li juunli li bonla kuli nni. 8Mi buama ki pia gbenma. Mi mawangima baa pendi, Mi malanma baa gbeni, Mi bandima moko baa pendi. 9Kelima moala ti bandima Tie bonjenga bebe, Ti mawangima moko Tie bonjenga bebe. 10Ama yaala n tie bonmunli yaa ti cua, Ki bonjenga baa pendi. 11Min den tie biga yaa yogunu, N den maadi nani ki biga yeni, Ki bungi nani ki biga yeni, Ki go kpaagi nani ki biga yeni, Ama moala ke n tua ja, N cedi li bonwaabonla. 12Moala ti laa likuli nani tin nua Ti nannanli ki maduubiga nni maama, Ke laa doagidi cain. Laa yogunu, ti baa le likuli Ki nunga leni kiyaga. Moala n bani bonjenga, Li bonmunli yaa ti cua yaa yogunu N baa bandi cain nani U Tienu N bani nni cain maama. 13Moala bonla taa n ye ki kan pendi, Lani n tie li dandanli, Mi suginma leni mi buama, Likuli siiga yaala n cie tie mi buama.

will be added

X\