Zekaria 6

1Te mam le behɛ, nyɛ te yiri toroto tonaahe ze'ele nyɔgom zɔya ayi' teŋasoka yɛhera na. 2Te yiri mɔlɔ vɛ'ɛra toroko seko n boe nɛŋa la, te yiri sɔbɔlɔ me vɛ'ɛra toroko seko n tagalɛ la, 3te yiri peela me vɛ'ɛra toroko seko n tagalɛ botan' la, te yiriponpɔntɔ me vɛ'ɛra toroko seko n tagalɛ bonaahe la. 4Te mam soke Na'ayenɛ soŋora la yeti, Bana dela bem, n daana? 5Te a lebehe yele mam yeti, Bana dela sabeeo sugumnɔɔren bonaahe n lobere wa, ne dekɛ ko mɛŋa pa'alɛ Daana la n sɔe teŋparɛ wa la ge yehe na kae la. 6Yiri sɔbɔlɔ la n ve'ere toroko seko la, ye tɔɔra la zuɔ bɔba teŋa ha, te yiri peela la me yɛ'a tɔɔra nɛŋa tontɔɔ teŋa ha, te ponpɔntɔ la me yɛ'a tɔɔra gɔbega bɔba teŋa la ha. 7Yiri n yehe na la, i kɔ'ɔn keta mɛ te i ɛnŋɛ kalom keŋɛ ta kae teŋa wa zuo behɛ. Te a yele ba yeti, keŋɛ ya ta kae teŋa wa zan'an. Te ba seren keŋɛ ta kae teŋa wa zan'an. 8Te a yi mam na yeti, Behɛ, sɛba n ye' tɔɔra zuɔ bɔba teŋhe wa bahɛ te mam sea n nyɛ vo'ohogo la bilam bɔba teŋhe wa. 9Na'ayenɛ tɔgɛ bo mam yeti, 10To'ohe sanlenpeelega la sanlema, nɛresɛba te ba pɛnregɛ ba loŋe teŋa wa zen'enhen, to'ohe ba Heldai la Tobiya la Yedaiah, n nan kɔ'ɔn ze'ele Babilon teŋa paara na wa zen'an. La ho keŋɛ Zepania dayɔa Yosia yire de daarɛ mea. 11Dekɛ sanlenpeelega la sanlema la maalɛ muŋa vuge Yehozadak dayɔa Yosua n de malema nɛŋadaana la 12ge yele en yeti, Pɛɛntɛɛnreba Na'ayenɛ la yeti, boraa kana wa yu'urɛ n de Yile la, n wan ze'ele la poan na. Enŋa wan mɛ' Na'ayenɛ Yire la. 13Enŋa n de se'em n wan mɛ' Na'ayenɛ Yire la, a yeti a dɛna la naba n tare zuo, zin'an a na'am gɔŋɔ zuo behera a sɔ'ɔlom. Malemadaana wan lɛm a na'am gɔŋɔ mea, te sunma'ahom la bɔkerɛ bɔna ba bayi' la teŋasoka. 14Heldai la Tobiya la Yedaiah la Zepania dayɔa Yosia n wan sɔna muŋa la beha, te la dɛna tɛɛnhegɔ Na'ayenɛ Yire la poan. 15Sɛba n zaan la hɔ, wan wa'ana soŋɛ hɔ te ho mɛ Na'ayenɛ Yire la, bala te ho wan seren baŋɛ te Pɛɛntɛɛnreba Na'ayenɛ la n tom mam ya zen'an na Ya han wan man'ɛn ho mɛŋa ge nana Na'ayenɛ ya Yenɛ la yelehom la soŋa, yele ana zan'an wan seren tom.

will be added

X\