Zekaria 5

1Te mam le behɛ, te gɔŋɔ n ɛngere. 2Te a soke mam yeti, Ho nyɛ la bem? Te mam lebehe yeti, Mam nyɛ la gɔŋɔ n ɛngere, te ko woko santira pihiyi', te ko yaleŋa dɛna santira pia. 3Te a yele mam yeti, nɔpɔre wan sige teŋa wa zan'an zuo na, ko logerɛ deyema yeti se'em woo n zu, wan ki, ge te ko logerɛ deyema la me yeti, se'em woo n pɔ' pɔ yore wan ki. 4Pɛɛntɛɛnreba Na'ayenɛ la yeti, Mam n tom kɔ, ko wan kɛn' nayiga, la se'em n tare mam yu'urɛ pɔta yoo yoo la yiya, ta bɔna de poan gura ko ta sagom yiya la, ta ta' la de dɔɔrɔ, la kugu se'a n dekɛ mɛ dɛ la zan'an ba'ahɛ. 5Te Na'ayenɛ soŋora wa n tɔgɔre la mam la, wa'ana behɛ sɛla n liligere na wa? 6Te mam soke en yeti, Bene n bala wa? Te a lebehe yele mam yeti a dela pi'ɔ. Ge yeti, ba be'em la n zone se'em teŋa wa zuo n bala. 7Te pi'ɔ la liŋa vuke, te mam nyɛ te pɔka n zin' ko poan. 8Te a yeti, pototooma n bala, ge lebehe zan'ɛn pɔka la bahɛ pi'ɔ la poan, lebehe torehɛ liŋa la vuge ko nɔɔrɛ la. 9Te mam behɛ, te pɔgɔhe seyi' kene na, tara kelompagehe wo selega la, te ŋmɛ'ɛra te sabeeo damena, te se zɛnkɛ pi'ɔ wa yula. 10Te mam soke Na'ayenɛ soŋora wa yeti, ba tare pi'ɔ la yɛ'a la bɛ? 11Te a lebehe mam yeti, ba tare kɔ yɛ'a la. Babilon teŋa, te ba ta mɛ yire, dekɛ kɔ eŋɛ bini. Ba han ta mɛ yire la ba'ahɛ, ba wan dekɛ pi'ɔ la ze'ele ko zɛ'ɛlega zuo, yire la poan.

will be added

X\