Zekaria 4

1Te Na'ayenɛ soŋora se'em n tɔgɔre ne la mam le wa'ana nɛɛ mam wo ban ne nɛɛ nɛra gɔɔm poan se'em la. 2A soke mam yeti, Ho nyɛ bem? Te mam lebehe yeti, Mam nyɛ la butolela zɛ'ɛlega n de sanlema ma'an, te laa suga ka zuin, te butoleladoma bayopɔe te bugum lamehɛ ba woo poan. 3Te kaam tiihe seyi' me zɛ'a lɛm zɛ'ɛlega, te kayema zɛ'a ka zuɔ, te kayema me zɛ'a ka gɔbega. 4Te mam nya soke soŋora la n tɔgɔre la mam la yeti, N daana, bana wa dela bem? 5Te a lebehe soke mam yeti, Ho ka mi' ban de sɛla? Te mam yeti, Aai, n daana. 6Te a yele mam yeti, Na'ayenɛ yelehom la n bala te a dekɛ doohe Zerubabel. La dagɛ paŋa bii kpe'eŋo, ge la dela mam Sea la. Pɛɛntɛɛnreba Na'ayenɛ yele se'em n bala. 7Hom dela bem, zoore kantɛ wa? Ho wan saalom lebege paberɛ Zerubabel nɛŋan. Te a wan tara Yenɛ yire kugu kanra wa'ana tanhera te Zo'ohogɔ! Zo'ohogɔ! 8Te Na'ayenɛ yelehom wa'an n zen'en na yeti, 9Zerubabel nu'uhe n ɛɛnbɛ yire wa ɛnberɛ. Enŋa nu'uhe mea n wan mɛ' dɛ ko. Bala te ya wan baŋɛ te Pɛɛntɛɛnreba Na'ayenɛ la n tom mam ya zen'an na. 10Se'emdaana n daa ka nane toonpegehe dabeha la, nya wan nyeena. Mɛta dɔɔ la wan bɔna Zerubabel nu'uhen te a mɛta. Bana bayopɔe wa pa'ale la Na'ayenɛ mɛŋa nini se'e n behere nyɛta teŋa wa zan'an la. 11Te mam soke soŋora wa yeti, Ge kaam tiihe seyi' wa, te kayema zɛ'a butolela zɛ'ɛlega la zuɔ nu'o, te kayema la me zɛ'a ka gɔbega nu'o bɔba wa me? 12Ge me le soke en pa'ahɛ yeti, Kaam wɔla yila ayi' wa n ka'are tiihe kaam dɔla sanlema fulogɔ yoko wa poan wa me pa'ale la dene? 13Te a soke mam yeti, Ho ka mi bana n de sɛla? Te mam yeti, Aai, n daana. 14Te a yele mam yeti, Ba pa'ale la nɛresɛba bayi' te ba sɔ' ba kaam te ba doohe teŋa wa zan'an tom bo teŋa wa zan'an Daana la.

will be added

X\