Zekaria 3

1Te Na'ayenɛ lilige Yosua la n de malema nɛŋadaana la, te a zɛ'a la Na'ayenɛ soŋora la, te Dima la me zɛ'a a zuɔ bɔba, te a zuunhe Yosua. 2Te Na'ayenɛ yele Dima wa yeti, Mam Na'ayenɛ n tanhɛ hɔ Dima! Na'ayenɛ n loe Yerusalem, tanhɛ ho wa! Dagɛ te boraa wa ane mɛ wo dibega te ba zɛ ka foe bugumen na la? 3Yosua yɛ la lɔgɔdɛngerɔ zɛ'a Na'ayenɛ soŋora la nɛŋan. 4Te soŋora la yele sɛba n ze' a nɛŋan la yeti, Yɛɛhɛ ya a lɔgɔdɛngerɔ wa bahɛ. Ge te a nya yele Yosua yeti, Ho nyɛ ya, n yɛɛ ho be'em la bahɛ, ge n wan tee bagɛ hɔ la fukanra. 5Ge mam yeti, Vuge ya en mum peelega. Te ba vuge en mum peelega, bagɛ en la fukanra, te Na'ayenɛ soŋora la zɛ'a bini. 6Te Na'ayenɛ soŋora yele Yosua yeti, 7Pɛɛntɛɛnreba Na'ayenɛ la n yeti, ho han wan dɔla mam sɔya la, ge tara mam n bote se'em la, hom n wan behera mam yire la mam zenzagahe, ge te n bahɛ te ho tara zen'an sɛba n ze' wa. 8Yosua, malema nɛŋadaana wa, kɛleha ya, hom la ho taaba sɛba n zin' la ho wa. Kelehe ya soŋa, ya dela yelesoma n wan wa'ana. N wan tare la n yameŋa la n de Yile la na. 9Nyɛ kugu yenɛ la te mam dekɛ de ze'ele Yosua! De tara nɛhe ayopɔe la. N wan golehɛ de yele eŋɛ de zuo te n wan saalom nɛreba wa be'em la bahɛ dabaherɛ ayena ma'an. Pɛɛntɛɛnreba Na'ayenɛ yele se'em n bala. 10Pɛɛntɛɛnreba Na'ayenɛ la yeti, De daarɛ nɛra woo wan yi'ira a taaba zin'ira a tiihe teŋa fai.

will be added

X\