Zekaria 13

1De daarɛ, ko'kantɛ n yu'ɛ bo David yire, la Yerusalem teŋadoma, te bo duuhe ba yelebe'ero la, la ba ganleŋɔ la bahɛ. 2Pɛɛntɛɛnreba Na'ayenɛ yeti, de daarɛ, n wan saalom baga la woo yu'ura teŋa la poan bahɛ, te ba kan le tɛnra ba, ge doohe foohe nɔtɔgɔheba la, la tom toonfɛn'ɛhe se'a la ka poan bahɛ. 3Te se'em han sina ge yeti enŋa dela mam nɔtɔgɔha, a mɛŋa sɔ, la a ma sɛba n dɔgɛ n wan yele en yeti, to wan ko hɔ, la hom n tare Na'ayenɛ yu'urɛ la parona la. Ba doma han sina ge pota, ba mɛhe sɔdoma, la ba madoma sɛba n dɔgɛ ba la, lo ba ko. 4De daarɛ, nyanɛ wan di se'em woo n yeti a dela mam nɔtɔgɔha la, la liligere se'ere te a pota la. Ba kan le dekɛ dunhe konberɔ fuo la n de mam nɔtɔgɔheba fuo la yɛ te ba ta'an pan'ahɛ nɛreba. 5Ba mɛhe la wan yele ayena ayena yeti, Mam dagɛ nɔtɔgɔha, mam dela n kaara, mam kɔ'ɔn ihege na, teŋa wa n de mam dia zen'an. 6Ba han soke ba yeti, ge yiha wan n gan' ho iŋai wa dela bene yiha? Lebehegɔ la wan dɛna la, mam nyɛ a la n zɔ yire. 7So'a wa, ihege zabɛ la mam duŋkeena wa. Ihege zabɛ la se'em n tage mam poore wa. Lɛm mam wa. Pɛɛntɛɛnreba Na'ayenɛ yele se'em n bala. Ko' duŋkeena la, te piihe la zɔ yeregɛ. N wan ŋmɛregɛ zabɛ la bonbibihe wa me. 8Na'ayenɛ yeti, teŋa wa zuo zan'an nɛreba porogerɛ boyi' n wan bahɛ yoo, ge te porogerɛ boyena yee vɔna. 9Sugumnɔɔren boyena la n wan gee la, n wan tare ba na eŋɛ bugum poan, nyɛlegɛ ba wo ba ne nyɛlegɛ sanlema se'em la, la n behɛ. Ba wan ne yi mam yu'urɛ wa, te n me lebehe ba. N wan dekɛ ba, te ba dɛna n nɛreba, ba wan yeti, Na'ayenɛ n de tomam Yenɛ.

will be added

X\