Zekaria 12

1Na'ayenɛ n tɔgɛ Israel yele se'em n wana. Na'ayenɛ se'ere n yeregɛ saazuo te ko bɔna ha wa, ge biŋe teŋa wa ɛnberɛ la, ge naam nɛresaala bahɛ ka poan na la yeti, 2Behɛ ya, n wan bahɛ te Yerusalem teŋa ana wo daam wanɛ la, kaara teŋse'ehe n lɛm en la, te se nyuura bugura. Diŋdoma la han maahom te ba zabɛ la Yerusalemdoma, bala mea te ba wan maahom zabɛ la Yudadoma wa. 3De daarɛ, n wan eŋɛ Yerusalem teŋa te ka tebegɛ wo sataŋa la, te sɛba woo n yeti ba ɔnbegɛ dɛ, wan pɔgɔlom ba mɛhe. Teŋhe wa zan'an n boe teŋa wa zuo wa, wan lagom taaba na zabɛ la en. 4Ge Na'ayenɛ yeti, Daanden daarɛ, n wan dekɛ too kɛn'ɛhɛ yiri, ge dekɛ zɔlɔgɔ kɛn'ɛhɛ i ban'areba la. Ge se'em ma'an te n ta tara fɔɔlom kɛn'ɛha nɛreba la yiri la, n niho wan gan'an Yuda teŋa poan behera en. 5Bala te Yuda teŋa nɛŋadoma la wan yele ba sunya poan yeti, Yerusalemdoma wa nyɛ ba paŋa wa Pɛɛntɛɛnreba Na'ayenɛ la n de ba Yenɛ la zen'an. 6De daarɛ, n wan bahɛ te Yuda teŋa nɛŋadoma ana wo dokɔ n yage bugum zuo la, ka wan ana wo bugum n boe vɔntɔ poan ha dita na la, ba wan aanhom teŋse'ehe woo n lɛm ba, bɔna ba zuɔ, la gɔbega la zan'an bahɛ, ge Yerusalem teŋa me sɛ' ze'ele ka ze'elego zen'an. 7Na'ayenɛ wan fan' la Yuda bɔŋa zen'an la yia, te David yiredoma, la Yerusalem nɛreba na'ahegɔ la, da gana Yudadoma la. 8De daarɛ, Na'ayenɛ mɛŋa wan kpemehe Yerusalemdoma, te se'em n de taroma wan kpe'em wo David la, te David mɛŋa yire la ana wo Yenɛ la, ana wo Na'ayenɛ soŋora la bɔna ba nɛŋa. 9De daarɛ n wan yehe na sagom teŋse'ehe woo n zaberɛ la Yerusalem la. 10N wan dekɛ zo'ohogɔ la fabelegɔ suunre kɛn'ɛhɛ David yire, la Yerusalem nɛreba zuo na, te ba wan gɔra behera mam se'em te ba lo' la kanɛ la. Ba wan kele en wo nɛra n kele a dayɔa zan'an zan'an se'em la, ba wan kele a en gaŋɛ, wo nɛra n kele a biyeŋɔ zuo se'em la. 11Daanden daarɛ, koonɔ seto n wan bɔna Yerusalem teŋa poan la wan gana koonɔ seto n yuun kele bo Hadad Arimon, Megido bɔn'ɔn la poan la. 12Teŋa la zan'an poan, yire woo la de nɛreba n yeti ba kɛla ba kɛla, David nɛreba, la ba pɔgɔba la kɛla, te Natan nɛreba, la pɔgɔba kɛla, 13Te Levi nɛreba ba ma'an kɛla, te ba pɔgɔba la kɛla, te Simei nɛreba, la ba pɔgɔba kɛla 14te yizuo se'a n gee la woo, nɛreba, la ba pɔgɔba kɛla.

will be added

X\