Solomon Gɔŋɔ 8

1Ho han dene la mam sɔɔn te to lagom mɔgɛ ne pɔgɔyeŋa bin'ihom. Mam han pon nyɛ ho yeŋa, mam kɔkere ho mɛ, te se'em kan ta'an zɛrɛgɛ mam. 2N wan tare ho na kɛn' n sɔ yire, kɛn' n ma bɔ'en. N wan bo ho daam sebo n ane soŋa te ho nyu'. N wan ŋmɛkɛ n mɛŋa *pomegranate daam bo ho te ho nyu'. 3Mam zuo kɔkɛ la n zaba wa gɔbega nu'o zuo, ge te a zuɔ nu'o kɔkɛ mam. 4Yerusalem pɔyɔɔhe wa, da sa'ɛ ya bii ya nɛɛ nɔŋerɛ, gura te de saŋa ta paɛ. 5Ane n bala dɛla a zaba te ba ze'ele pɔgɔtia poan yɛhera na wa? Ho gan' ne la tia teŋa te mam nɛɛ ho. Ho ma nyɔkɛ ho puurɛ la bilam, bilam te ho ma virige ho, bilam te ho ma dɔgɛ hɔ. 6Bahɛ te n dɛna danlehom lama ho suunre poan, ge lama ho nu'uhen. Se'ere n sɔe la, nɔŋerɛ kpe'em mɛ wo kum, tara koŋkoma'ahom mɛ wo yɔɔ la, dita wo bugum peelom la. A dite mɛ wo bugum kantɛ zɛleŋa la. 7Ko'om zo'e zo'e kan nyaŋɛ kiinhe nɔŋerɛ, kolaahe ko'om kan nyaŋɛ pee nɔŋerɛ bahɛ. Nɛra han pon dekɛ a yire lɔgɔrɔ zan'an te a da nɔŋerɛ, a kan nyɛ. 8To tanya bila n boe ka tara bin'iha. Daanse'ere daarɛ te se'em wan bɔta to tanya wa la, to wan eŋɛ la wane? 9A han dene la dangoone, to wan kure ne sanlenpeelega forɛ en. Bii a han dene bɔ'ɔ nɔɔrɛ, to wan dekɛ ne dɔɔ mɔlɔsonɔ maalɛ koleŋa yu' en. 10Mam dela dangoone, te n bin'iha dɛna deo woko. Bala zuo te a nini gan'an mam poan te a tara sunma'ahom. 11Solomon tare la samanɛ n kae lebehe na, Baal Hamon teŋa. Dekɛ de eŋɛ nɛreba nu'uhen te ba beha ge yɔɔra sanlenpeelega kpila tuhure bɔ'ɔra en na. 12Ge mam va'am wa dela mam mɛŋa va'am bo dela mam ma'an va'am. Sanlenpeelega kpila tuhure la dela hom Solomon denɛ, ge te sɛba n behere n va'am la me denɛ dɛna kpila kɔbehe seyi' ge te ba gɔ'ɔha bo poan wɔla la. 13Hom se'em n boe samanɛ wa poan te n zɔdoma kae ho bahɛ bɔta te ba wom ho konkore wa, bahɛ te mam wom ho konkore la. 14N zaba wa, kanbela wo walega bii ɛɛɔ n korihi se'em la na te to keŋɛ tiihe biila zoore wa zuo.

will be added

X\