Solomon Gɔŋɔ 7

1Naba pɔyɔa wa, behɛ ho na'ma n naɛ la tagara se'em. Ho na'ma wa kagɛ mɛ wo dɔmaala n kagɛ dɔɔ soŋa se'em la. 2Ho yun'an wa ane mɛ wo wane te daam ka malom kɔŋɔra de poan la. Ho poorɛ ane la soŋa wo kizɛɛŋa te mɔpuuro kae ka la. 3Ho bin'iha ayi' la ze' la yika wo walega kɔma n de leeba la. 4Ho nyugela mɛ zɛ'a dɔ'ɔ wo wɔbegɔ nyɛna te ba dekɛ mɛ deo woko la. Ho nini nyankere mɛ wo Hesbon bɔgɔhe ko'om la n gan' Bat Arabim teŋa nɛŋan la, te ho nyɔndaŋa ana dopi wo Lebanon teŋa n ane se'em dopi beha Damaskus teŋa ha la. 5Ho zuo zonto pin' ho mɛ wo Karmel Zoore la. Ho zonto wɔgɛ wo na'am futo guno la, naba nini yeere la ho zuo la poan. 6Mam zaba wa, ho som mɛ tegɛ n nini. Mam yam bonɔ wa, ho nare mɛ. 7Ho ze' mɛ lɛŋsɛŋ wo goŋbaanlega la, te ho bin'iha zɛ'a dɔ'ɔ. 8Te mam yeti, N wan zom gɔŋa wa la n gin' ka wɔla wa. Ho bin'iha wa seke mɛ wo tia wɔla, te ho vo'ohom mɔla wo tia wɔla soma la. 9Ho nɔɔrɛ mɔla wo daam la, sigera n zaba wa nɔɔrɛ soŋa, ma'ala to nɔgbama soŋa ge te to ginha. 10Mam dela n zaba wa, a sunboolom zan'an dela mam. 11N zaba, wa'ana te to sige bɔn'en ha, ta ɛ yee teŋbila poan ha gan'arɛ. 12Bahɛ te to deŋɛ ihege sige tiihe va'am la poan ha ta behɛ se puuri, te ta behɛ se wɔla puuro la tanhere? Bilam te n wan ta pa'alɛ hɔ n nɔŋerɛ. 13*Mandrake puuro nyuŋo soŋɔ n bala ŋmɛ'ɛra na wa, te mam ganhɛ wɔla yema yema n bi'e ze'ele n zaba wa to bɔ'ɔ nɔɔrɛn. Ba paala, la kɛgehe zan'an.

will be added

X\