Solomon Gɔŋɔ 2

1Mam yeen dɛna la Saron puuo. Mam dela bɔn'ɔn poan mɔɔ. 2Wo mɔpuuo soŋɔ n ze' la gɔn'ɔhe se'em la, mam zaba wa ane la bala pɔgɔsa'arɛ teŋasoka. 3Wo ta'aŋa n ze' la tiyooro mɔen se'em la, bala te mam zaba wa ana bodibinto teŋasoka. Mam nɔŋɛ la n zin'an a ma'ahom la poan, a wɔla la zan'anhom bo mam mɛ. 4A tare mam keŋɛ la dia zen'an. A danlehom dela nɔŋerɛ te a dekɛ pin' mam. 5Kpemehe mam iŋa wa wo ginya wɔla, ge saaɛ n nɔɔrɛ la sinsibi wɔla, ge nɔŋerɛ kom n koori mam. 6Mam zuo koge la a gɔbega nu'o zuo, te a zuɔ nu'o kɔkɛ mam. 7Yerusalem pɔyɔɔhe wa, mam pɔte la walehe la ɛɛnrɔ yeti, Ya da sa'ɛ bii nɛɛ nɔŋerɛ. Gura te de saŋa ta paɛ. 8Behɛ, n zaba ka n kene na la. En boe zɔya zuo, zɔɔha zobibihe sigera na la. 9Mam zaba wa ane mɛ wo walega bii ɛɛɔ paalega la. Behɛ enŋa n bala bɔna yeŋa ge limiha takolen na la, vɛɛha takole fɔla la poan na la. 10A tɔgɔre bɔ'ɔra mam mɛ na yeti, N zaba, ihege, mam bonsoŋa wa, ihege na. 11Behɛ, ɔɔrɔ tole ya. Saa ka le bɔna. 12Mɔpuuro ma'an n nya yehere, yooma saŋa paɛ ya, dayɛma pɔhɛ kaahega. 13Kenkanhe pɔhɛ wɔŋa mɛ, tiihe puuro nyuŋo pɔhɛ ihegere. N zaba wa, ihege, mam bonsoŋa wa, ihege na. 14Mam dayene wa, n sogore de mɛŋa tanhe zuo zoore poan wa, bahɛ te n nyɛ ho nɛŋa. Bahɛ te n wom ho koɔa. Ho koɔa zan'anhom mɛ, te ho nɛŋa ana soŋa bo mam. 15Nyɔgɛ piini la piinbibihe la te ba ma n sagone to tiihe va'am la n puuri la. 16Mam zaba la dela mam, te mam dɛna en zaba la. A gu'ure a piihe la mɔpuuro poan. 17Bɔna la mam dɛ'ɛna wo walega bii ɛɛɔ paalega n de'ene tanhe zuto la. Gura te beere ta yiligɛ te sɛla wo nɛɛ.

will be added

X\