Solomon Gɔŋɔ 1

1Solomon yoonɛ se'ere n gane zan'an. 2Mam bote ho kɔkɛ mam mɛ. Se'ere n sɔe la ho nɔŋerɛ tare ninpeelom gane daam, 3te ho kaam sɔnremɔ la tara nyuŋo soŋɔ, ho ane wo kaam somɔ nyuŋo n ŋmɛ'ɛre la. Bala te pɔgɔsa'ara zɔta digera ho la. 4Tare mam keŋɛ kalam. Mam bote naba tare mam kule a yire. Hom poan te to wan nyeena ge te to nini tegɛ. To wan pɛngɛ ho nɔŋerɛ wa gana daam. Ba tare boorɔ la ba na'aha hɔ. 5Mam dela sabelega ge som, Yerusalem pɔyɔɔhe wa. N sobege mɛ wo Kedar sogora la, ana wo tana se'a n yuli Solomon bɔ'en la. 6Da geenla beha mam la mam sabega la iŋa. Wontɛɛŋa n bahɛ te mam sobege. Mam sɔɔnrɔ la suunre nyie la mam, te ba bahɛ te mam behera tiihe wɔla vatɔ. Se'ere n sɔe mam sobega la. 7Mam suunre n nɔŋɛ se'em wa, pa'alɛ mam hom n gu'ure ho piihe zen'an la zen'an te ho kaahena se wontɛɛŋa. Wane te mam ana wo n boe la n yema ho piihe la poan? 8Pɔgɔsoŋa wa, hom se'em n som gana pɔgɔhe zan'an wa, ho han ka mina, yee dɔla piihe la na'ma, gu'ura ho bobibihe duŋkeema zen'an la. 9Mam suunre bonɔ wa, mam dekɛ ho makera mɛ la naba Faro yiri soma la. 10Behɛ, tobekayulehe n naɛ la ho yaga se'em, te ho nyugela naɛ la nonɔm zɔntɔ la se'em. 11To wan kure sanlema tobekayulehe, vorɛ se la sanlenpeelega bo ho. 12Naba n zin' nan dita la, mam nɔŋerɛ la ihegere mɛ wo kaam n tare nyuŋo soŋɔ la bo en. 13Mam yam bonɔ wa ane mɛ wo nyuŋo soŋɔ wɔla la bɔɔrega me'en la paga mam nyɔn'ɔn zuo. 14Mam zaba wa ane mɛ wo En Gedi teŋa tisoma puuro n tanhere la bo mam. 15Mam zaba wa, ho som mɛ. Ho ba' som mɛ, te ho nini wa pelege wo tan'ama yile la. 16Mam zaba wa, ho som mɛ, ho tare la ninpeelom. To sɔŋɔ ane la loma loma. 17To bɔ'ɔ lahɛ mɛ la dɔɔ mɔlɔsomɔ. Te sɛntɔ dɛna dɔɔ sabelesoma ma'an.

will be added

X\