Rom 7

1Tɔ. N sɔɔnrɔ, ya sɛba woo n dole pa'alegɔ la bɔkɛ soŋa soŋa te nɛra han ki, pa'alegɔ la ka le sɔna la. 2Magahɛ wo pɔgɔsɛka n ele, pa'alegɔ yele te la dela kihire te a yehe ta naa la boraa ge te a sera vɔna. Ge a sera la han ki, la dagɛ kihire bo pɔka la. 3Ge pɔka wa han keŋɛ ta naa la boraa, ge te a sera vɔna, pa'alegɔ wan yeti a tone la kabonhe. Ge a sera la han ki mɛ a nya boe la fai, te a nya han ele, la dagɛ kabonhe. 4Bala n sɔɔnrɔ, ya nya lagom dɛna la Krista iŋa la, te pa'alegɔ la paŋa ka sɔna ya, ya boe la fai te ya dɛna Krista denɛ. Se'em te Yenɛ vo'e en la te ta'an tona bɔ'ɔra Yenɛ. 5Tomam n daa nan boe iŋganɛ naane wa poan la, pa'alegɔ la daa bahɛ te to tɛn'ɛha la be'em te sɛla woo te to daa eta dɛna la kum. 6Ge nananawa, to ka le zɔta dabeem la pa'alegɔ la. Se'ere n sɔe la pa'alegɔ la ka le behera tɔ. Ge nananawa, to ka le dɔla yelekɛgɛhe la, yelese'a te ba daa golehɛ biŋe. Ge, to dole la pa'alegɔ seko taaba te Yenɛ Sea la bɔta tɔ te to dɔla la. 7Tɔ. Bala, to nya wan yeti bo? To wan yeti pa'alegɔ la dela be'em? Aai. Ge la dela pa'alegɔ la n bahɛ te mam mina be'em n de sɛla. N daa kan mini Yenɛ gɔŋɔ la n yeti, Da bahɛ te ho potɛn'ɛrɛ bɔna la ho tadaana bonɔ poan la vɔnrɛ n de sɛla, la han dagana pa'alegɔ la n yele. 8Ge pa'alegɔ la bahɛ te be'em n nyɛ' sore gbirigera be'em yɛla n poan. Pa'alegɔ han ka bɔna, be'em dela bonki'iŋa. 9Mam mɛŋa daa nan ka dole pa'alegɔ la, n daa vɔe mɛ. Ge mam wa'ana baŋɛ pa'alegɔ la n bote n eta sɛla la, bilam te be'em daa pin'ilom tara paŋa la mam, te mam ki. 10Te pa'alegɔ la n daa dene sɛla n wan tare ne vom wa'ana la nya ton tare kum na. 11Bala te be'em nyɛ' sore pan'ahɛ mam yɛhera la mam daa tare pa'alegɔ la tenha sɛla n nare te n eŋɛ la. Dene poan, pa'alegɔ la bahɛ te be'em ko' mam mɛ. 12Yenɛ n de fa'adaana bo pa'alegɔ la nɔɔrɛ te bama dela fa'a la tontɔɔ la som. 13Dene poan n wan ta'an yeti yelese'a n ane soŋa la n bahɛ mam te n wona te n ki' mɛ wa? Aai. La dela be'em n sɔe. Be'em dekɛ la yelese'ere n ane soŋa bahɛ mam te n wona te n ki' mɛ, te a pa'alɛ nɛreba be'em n an se'em. Bala pa'alegɔ la pa'alɛ nɛreba te be'em la kɔ'ɔn yalegɛ la nɔɔrɛ. 14Ge to mi' te pa'alegɔ la yehe Yenɛ zen'an. Ge mam kɔ'ɔn de'a la asaala, kɔ'ɔn tona be'em. 15Ge n ka bɔkere sɛla te n eta la. Bene zuo, n ka ete sɛla te n bɔta te n eŋɛ la. Ge n tom eta la sɛla te n ton kɔ'ɔn ka bɔta. 16Te n han ne eŋɛ sɛla te n ka bɔta te n eŋɛ la, mam sakɛ te pa'alegɔ la dela yelemɛŋɛrɛ. 17Bala, la dagɛ la mam mɛŋa n tone yele ana wa. Ge la ton dɛna la be'em la n boe n poan la n bahere te n tona bala. 18Mam mi' te som ka n poan, la mam pon bɔta te n tona sɛla n ane soŋa la n ka tan' tona bala. 19Ge n ka tone sɛla ane soŋa te n bɔta te n ton la. Ge n ton tona la sɛla n de be'em te n ka bɔta te n tona la. 20Ge n han tona sɛla te n ka bɔta te n tona la, dena wa pa'alɛ mɛ te la dagɛ mam mɛŋa n eta wana. Ge la ton de'a la be'em la n bahere te n tona bala. 21Dene poan, yele dena wa n boe n poan te n han ne bɔta te n ton la sɛla n ane soŋa, n ne ton ton la sɛla n de be'em. 22N potɛn'ɛrɛ poan n tare popeelom la Yenɛ pa'alegɔ la. 23Ge yelese'a te mam mea bɔta la dagɛ boyena la yelese'a te Yenɛ bɔta te n eta la. Te wana wa bahɛ te mam dɛna la yameŋa bo be'em la n boe poan la. 24Bala, behɛ ya mam kɔ'ɔn ka tara popeelom se'em. Dene poan ane n wan ta'an fan' mam, en iŋganɛ wa n tare mam yɛ'a kum poan wa bahɛ? 25Mam pɛngɛ Yenɛ doohe to Daana Yesu Krista poan. Lan ane mam se'em n wana. Mam potɛn'ɛrɛ poan te mam tara na'ahera Yenɛ ge mam iŋganɛ la kelom tona la be'em.

will be added

X\