Rom 16

1N bote ya to'e to tanya Poebe. A dela se'em n tone bɔ'ɔra lagaŋɔ n boe Kenkrea teŋa la. 2Bala, to'e ya en to Daana Yesu yu'urɛ poan wo Na'ayenɛ nɛreba n de ba eta se'em la. De ya sɛba me n wan bɔ'ɔra n soŋorɛ se'ere taaba te a bɔta ya zen'an, te nɛreba zo'e zo'e daa dela a soma, la mam mɛŋa. 3Ge n po'ohere Prisila la a sera Akuila sɛba la mam n lagom tona Yesu Krista tooma la. 4Te ba pɔnhe ba vom mam zuo. N po'ohere ba zo'e zo'e, la dagɛ la mam ma'an wa n po'ohere ba la bala. Ge sɛba n dagɛ Yudoma la lagaŋɔ la waabe me po'ohere ba la bala. 5Ge me le po'ohera lagaŋɔ seko n boe Akuila yire poan la. N me le po'ohera ya n zɔ' Epenetus n yehe Asia teŋa na la, enŋa n daa de yiadaana te a nam Krista teŋa la poan. 6N kelom po'ohera Mari pɔgɔsɛka n daa tom bo ya la. 7Ge po'ohera Andronikus la Yunias, sɛba n de n taaba ge daa lagom bɔna la mam pakadeen la. Ge Yesu tontoneba la mi' ba mɛ. Ba dole Yesu te mam nan ka baŋɛ dɔla. 8Ge n me le po'ohera Ampliatus, se'em n de n zɔ'soŋɔ dɔla Yesu sore la. 9N me po'ohere Urbanus se'em la to mam n lagom tona Yesu Krista tooma la. Ge me po'ohera n zɔ' Stakis. 10Po'ohe ya Apeles, se'em te ba tɔgɛ a yele Yesu sore dɔlɔga poan la, ge po'ohɛ Aristobulus yiredoma kelom bo mam. 11Ge yele ya Herodion se'em n de n tadaana la Narsisus yiredoma sɛba n dole Yesu sore la te mam po'ohere ba na. 12N bote ya me le po'ohɛ to Daana Yesu tontoneba Tripaena la Triposa bo mam. Ge me le po'ohɛ ya n soma Persis se'em n ton to Daana Yesu tooma la bo mam me. 13N me le po'ohera Arufus se'em te to Daana Yesu loe en te a bɔna a tɔka tooma la poan la. Ge me po'ohera Arufus ma' se'em n daa kɔ'ɔn tara mam wo n dela a mea bia la. 14N me le po'ohera Asinkritus la Plegon, la Hermes, la Patrobas, la Hermas, la sɛba woo n dole Yesu sore lagom bɔna la ba la. 15Ge me le po'oha Pilologus la Yulia, la Nereus la a tanya la, la Olimpas la Yenɛ nɛresɛba woo n boe la ba la. 16Po'ohere ya taaba la sunma'ahom kɔkerɛ. Yesu lagaŋɔ la woo po'ohere ya na. 17N sɔɔnrɔ, mini ya soŋa soŋa la nɛresɛba n bote ba tare yelehego wa'an ya teŋasoka na ge bɔta te ba daam ya la yan nam Yesu se'em la. Ba ka sakerɛ pa'aleseko te ya to'e wa. Bala, da dekɛ ya ya mɛhe lagom la ba. 18Te nɛresɛba n dole tona dena wa, ka tone bɔ'ɔra la to Daana Yesu Krista. Ge ba dole la ba mɛhe n bote se'em. Ba tare la yetɔgɔnyɛlegɔ tɔgɔra pan'aha nɛresɛba n ka tare yam kekeko. 19Te nɛra woo wom yan kɔ'ɔn gorɛ Yenɛ yelesoma la kaŋkaŋɛ se'em mɛ. Te dena wa zuo, n tare popeelom la ya mɛ. Ge n bote ya tara la yam la sɛla n ane soŋa ge da tare ya ya potɛn'ya poan sɛla n de be'em. 20Ge te Yenɛ se'em n bo'ore nɛreba sunma'ahom, wan sagom Dima la bo ya. To Daana Yesu Krista wan eŋɛ som bo ya. 21Ge Timoti, se'em la mam n lagom tona la po'ohere ya na. N Yuda tadaandoma Lukius la Yason la Sosipater me po'ohere ya na. 22Ge Tertius se'em n golehɛ gɔŋɔ wa me po'ohere yamam sɛba n dole Yesu sore la. 23Ge n yiredaana Gaius po'ohere ya na. La dela enŋa yire la poan te lagaŋɔ bɔna. Erastus se'em n biŋere teŋa la poan ligiri la la to sɔɔnrɔ Kuartus me po'ohere ya na. 24To Daana Yesu Krista wan eŋɛ som bo ya. Taarɛ. 25Ge bahɛ ya te to pɛngera Yenɛ. Te enŋɛ n bahɛ te to sɛ' ze'ele tom nam Yesu se'em la, yɛhera la Yenɛ yelesoma la te n mɔɔlɛ yɛta Yesu Krista yele la. La yelemɛŋɛrɛ se'ere te ya nan ka tabelɛ wom yuuma yuuma ha la nya nɛɛ bo to la. 26Te nananawa, nɔtɔgɔheba la golehegɔ la nya bahɛ te nɛra woo mina yelemɛŋɛrɛ la mɛ. Ge Yenɛ se'em n ka tare ba'ahegɔ la me bo nɔɔrɛ te nɛra woo teŋa wa zuo baŋɛ yelemɛŋɛrɛ la. Te bala te nɛra woo wan ta'an nam Yenɛ ge dɔla en. 27Pɛnka bo'ore la Yenɛ saŋa woo, se'em ma'an n de yam Daana la, to Daana Yesu Krista poan. Taarɛ.

will be added

X\