Pukre 13

1Te n le nyɛ' te bonsilimasio ze'ele ko'kantɛ la poan dɔɔra na. A tare la ila pia la zuto toyopɔe. A ilɛ woo vuge la muŋa muŋa ge te ba daa golehɛ yu'urɛ se'a woo n toore Yenɛ eŋɛ a zuto la poan. 2Bonsilimasio la te n nyɛ' la ane me wo yeobaa la te a natala me ana wo sanheŋa natala la. A nɔɔrɛ la ane wo gbegenɛ nɔɔrɛ la. Te bonsɛ'kantɛ la dekɛ a mea paŋa, la a na'am gɔŋɔ la, la a sɔ'ɔlom la bo bonsilimasio la. 3Bonsilimasio la zuto la ayema n ane me wo ba ŋmɛ' ko' me la. Ge zen'an te ba ŋmɛ' la bɛn'ɛn ya. La eŋɛ nɛreba teŋa wa zuo woo pakerɛ te ba naha bonsilimasio la. 4Nɛra woo po'ohɛ bonsɛ'kantɛ la mɛ. Se'ere n sɔe la, a bo bonsilimasio la paŋa. Ba me na'aha bonsilimasio la ge yɛta te, Ane n wo bonsilimasio wa? Ane n wan ta'an zabɛ la en? 5Ba bahɛ bonsilimasio la te a pa'ala a mɛŋa ge eta sɛla n toore Yenɛ. Ba me le bahɛ en te a tara paŋa tara tara la ŋmarehe pihinaahe la bayi'. 6Te bonsilimasio la nya pɔhɛ kan'ara kan'be'ero bɔ'ɔra Yenɛ, la Yenɛ yu'urɛ, la zen'an te a bɔna la, la sɛba woo n bo saazuo ha la. 7Ba bahɛ en te a zabɛ la Yenɛ nɛreba ge nyaŋɛ ba. Ba me bo en paŋa te a sɔna behera buuri woo, la tenhen woo la yetɔgom sebo woo, la nɛreba buuri buuri. 8Nɛresɛba woo n boe teŋa wa zuo la, wan na'aha en, han dagɛna la sɛba woo te ba daa golehɛ ba yu'ura eŋɛ vom gɔŋɔ la poan la, ge nya daa baŋɛ naam teŋa wa zuo la n de Pebila dene. 9Se'em n tare toba a kelehe. 10Hon se'em te la dɛna la ba nyaŋɛ ho, tare keŋɛ zen'an kayema, ba wan seren nyaŋɛ hɔ tare keŋɛ. Hon se'em me te la dɛna la ba ko' hɔ la so'a, ba wan seren ko' hɔ la so'a. Dena wa zuo la sontii, Yenɛ nɛreba din'inha suunre ge kelom nam en. 11Te n le nyɛ' bonsilimasio ayema me ze'ele la teŋa wa zuo yɛhera na. A tare la ila ayi' wo Pebila la ge me daa tɔgɔra wo bonsɛ'kantɛ la. 12A to'e la bonsilimasio se'em n de yiadaana la paŋa sɔe tona bɔ'ɔra en. A pɛngerɛ teŋa wa zuo la sɛla woo n bo de poan la te ba na'aha bonsilimasio se'em n de yiadaana. Enŋa te a zuo daa ŋma' ge le bɔn'ɛn la. 13Te bonsilimasio se'em n pa'ahɛ boyi' wa eŋɛ yelenyalema kekeko. A bahɛ te bugum daa ze'ele saazuo ha wa'an teŋa wa zuo na. A eŋɛ dena wa la nɛra woo nini. 14A pan'ahɛ nɛresɛba woo n bo teŋa wa zuo la. A pan'ahɛ ba yɛhera la yelenyalema tooma la te a tom bonsilimasio se'em n de yiadaana la nɛŋa. Bonsilimasio la yele nɛresɛba woo n boe teŋa wa zuo la te ba yagom sɛla wan dɛna pɛnka bo bonsilimasio se'em te ba kɛ' la so'a la, ge te a kelom vɔna la. 15Ba daa bahɛ bonsilimasio se'em n pa'ahɛ boyi' la, te a vo'ohe eŋɛ sɛla te ba yagom la poan la te a ta'an tɔgɔra ge la a ko' sɛba woo n kan na'ahera en la. 16Bonsilimasio la pɛnregɛ nɛra woo, bonkotɛ la bonbila, bontata la naha, yameŋa la se'em n dagɛ yameŋa, te ba daanla ba zuɔ nu'uhen poan la ba gbɛ'ɛra zuto. 17Nɛnɛra ka boe wan ta'an da' bii a koohe sɛla han dagɛna la a tare la danlehom bona wa. Bo me dela bonsilimasio la yu'urɛ bii golehegɔ n pa'ale te la dela a yu'urɛ. 18La sontii ho tɛn'ɛhe soŋa soŋa ge ta'an bɔkɛ dena wa. Hon se'em n tare yam ta'an tɛn'ɛhe baŋɛ bonsilimasio la golehegɔ la vɔnrɛ n de se'em. Se'ere n sɔe la, golehegɔ la dela boraa yu'urɛ. A golehegɔ la dela boyoobe, boyoobe, boyoobe (666).

will be added

X\