Pukre 10

1Te n le nyɛ' Yenɛ soŋora ayema n tare paŋa la. A ze'ele la saazuo sige na. A ane me wo a yɛ la saŋgbanɛ la te gumatia tanhɔ daa bɔna a zuin. A nɛŋa an wo yentule la ge te a na'ma ana wo bugum peelom. 2A tare la ganpeka yu'ɛ kɔ a nu'o poan. A dekɛ la zuɔ na'arɛ tagalɛ ko'kantɛ poan, ge dekɛ a gɔbega na'arɛ me tagalɛ doone poan, 3ge yi' kekeko te la damɛ wo gbegema n kaahɛ la. N eŋɛ bala la, saadameŋa boyopɔe n sakɛ la konkokanra. 4Te ban daa tɔgɛ la, n maahene te n golehɛ mɛ. Ge mam daa wom la konkore saazuo ha yele mam yeti, Da lilige sɛla te saadameŋa boyopɔe yele la ge da golehɛ dɛ biŋe. 5Te Yenɛ soŋora se'em te n nyɛ' te a ze'a ko'kantɛ la poan la doone poan la, zɛnkɛ a zuɔ nu'o tɔ saazuo ha. 6N daa eŋɛ bala la, a pɔ' la pɔtɛ Yenɛ se'em n boe wuuha la gee naam saazuo ha la sɛla woo n boe bini la, la teŋa wa zuo la sɛla woo n bo bini la, la ko'kantɛ la sɛla woo n bo bini la. Soŋora la yeti, Go'oŋɔ ka le bɔna yɛ'ɛha. 7Ge soŋora se'em n de boyopɔe daana la han ta peebe a tentanɛ la, Yenɛ wan tom ba'ahɛ a yelese'ere te a nan ka lilige la zan'an zan'an. A wan eŋɛ dɛ wo n daa soolom bo a yamehe sɛba n de a nɔtɔgɔheba la. 8Te konkore la te n pon wom saazuo ha la daa le tɔgɛ boe mam te, Kiŋɛ ta to'e ganɛ la n yu'ɛ bɔna soŋora se'em n ze' ko'kantɛ poan la la doone la. 9Te n daa keŋɛ soŋora la zen'en ta yele en te a bo mam ganpeka la. Te a yele mam yeti, Dekɛ kɔ la ho obe. Ko wan lebege mi'ihego ho poorɛ poan. Ge han de'a ho nɔɔrɛ poan, ko zan'anhen mɛ wo seerom la. 10Te n to'e ganpeka la a nu'o poan obe. Mam n obe kɔ la, ko daa zan'anhen n nɔɔrɛ poan wo seerom la. Ge mam n daa ta obe voole ko ba'ahɛ la, ko daa lebege la mi'ihego n poorɛ poan ha. 11Te ba daa yele mam yeti, La sontii ho mɔɔlɛ Yenɛ yɛla yɛhera la tenhen kekeko la nɛreba buuri buuri kekeko, la yetɔgom yema yema kekeko, la nadoma kekeko le yɛ'ɛha.

will be added

X\