Yooma 98

1Yoon yoonpaalɛ bo Na'ayenɛ, a tom la toonkerehe a mɛŋa nu'o paŋa en tom faanrɛ bo en. 2Na'ayenɛ lilige a faanrɛ la mɛ, ge lilige a tontɔɔ vom la pa'alɛ teŋhe. 3A tɛɛn la a nɔŋerɛ kantɛ la, la a sakerɛ sera la te a tara bo Israel yire la. Teŋparɛ wa zuo zan'an nyɛ Yenɛ faanra la mɛ. 4Teŋparɛ wa zuo zan'an, voole la nyeema bo Na'ayenɛ. Yooma ya la popeelom la pɛnka. 5Baam la kɔnlɔgɔ bo Na'ayenɛ. Ŋmɛ'ɛra kɔnlɔgɔ ge baana bo, 6ge pɛɛbera tentana, la peraa iila tentanɛ la. Voole la popeelom bo Na'ayenɛ n de naba la. 7Bahɛ te ko'kantɛ wa la sɛla woo n boe de poan la damana, la teŋparɛ wa zan'an, la sɛla woo n boe ka poan. 8Bahɛ te kolehe pa'ara nu'uhe. Bahɛ te zɔya lagom taaba yoona la nyeema. 9Bahɛ te ba yoona Na'ayenɛ nɛŋa. Se'ere n sɔe la, a kene me na te a gankɛ teŋparɛ wa. A wan dekɛ tontɔɔ vom gankɛ teŋparɛ wa, ge gankɛ nɛreba woo boyena.

will be added

X\