Yooma 97

1Na'ayenɛ n de naba. Teŋparɛ, wa nyeena. Ko'om nɔgbɛma teŋhe wa n zaan ha wa, nyeene ya. 2Saŋgbanɛ la lika kantɛ n kae en. Tontɔɔ la narehom n te'e a na'am gɔŋɔ la teŋa. 3Bugum n boe a nɛŋan, di a diŋdoma n boe zen'an woo. 4A saa bugum n nyakɛ nɛɛ teŋparɛ wa zen'an woo, te teŋparɛ wa nyɛ gbe'era. 5Te zɔya nyɛlegɛ Na'ayenɛ n de daana se'ere n sɔe teŋparɛ wa la nɛŋan wo gbamvaga n lɛm bugum la. 6Te saazuo mɔɔlɛ a tontɔɔ vom la, te teŋhe nɛreba woo nyɛ a soŋa la. 7Sɛba woo n kaanbere baga, nyanɛ n di ba. Yamam sɛba n ŋmɛ'ɛre nyɔn'ɔn la baga wa, na'ahɛ ya Daana la. Yena wa, na'ahɛ ya Daana la. 8Zion wom mɛ nyeena, te Yuda teŋbibihe poorɛ pee, la hom Na'ayenɛ gankerɛ wa zuo. 9Se'ere n sɔe la hom Na'ayenɛ wa n de Gaŋɛ zan'an daana sɔna teŋparɛ wa. Hom boe la saazuo gana baga woo. 10Bahɛ te sɛba n nɔŋɛ Na'ayenɛ la yaɛ be'em. Se'ere n sɔe la, a behere birikindoma vom mɛ, ge faanra ba toonfɛn'ɛhadoma nu'uhen baha. 11Nɛɛhom en nɛɛre bɔ'ɔra tontɔɔdoma, te nyeema bɔ'ɔra sɛba sunya n de tontɔɔ. 12Nyeene ya Na'ayenɛ poan tontɔɔdoma wa, ge bo ya a fa'a yu'urɛ la fara.

will be added

X\