Yooma 96

1Yoon yoonpaalɛ bo Na'ayenɛ. Teŋparɛ wa zan'an, yoon ya bo Na'ayenɛ. 2Yoon ya bo Na'ayenɛ, ge pɛngera a yu'urɛ la. Mɔɔlɛ ya a faanrɛ la yele beere n yelegere woo. 3Mɔɔlɛ ya a soŋa la bo teŋhe woo, la a toonkerehe la bo nɛreba woo. 4Se'ere n sɔe la, Na'ayenɛ kanregɛ mɛ, nara pɛnka. Enŋa n de to zɔta gana baga zan'an. 5Yena se'a woo n boe teŋhe poan la dela sɛla baga. Ge Na'ayenɛ n naam saazuo wa. 6Na'am kpe'eŋo, la kantɛ en dole en. Paŋa la soŋa n boe a toolom yire la poan. 7Pɛngɛ ya Na'ayenɛ. Buuri n boe teŋparɛ wa zuo wa, pɛngɛ ya Na'ayenɛ la a soŋa la a paŋa la. 8Pɛngɛ ya Na'ayenɛ. Bo ya en pɛnka sɛka n nare a yu'urɛ soŋa la. Tare ya bo'olom wa'an a yire zenzaka la poan na. 9Na'ahɛ ya Na'ayenɛ n bagɛ a toolom na'am lɔgɔrɔ la. Teŋparɛ wa zan'an gbe'ere ya mɛ a nɛŋan. 10Yele teŋhe poan yeti, Na'ayenɛ n sɔe beha. Teŋparɛ wa sɛ mɛ kaŋkaŋe ka miina. A wan gankɛ nɛreba la woo la boyena. 11Bahɛ te saazuo nyeena, te teŋparɛ zuo kerena. Bahɛ te ko'kantɛ damena, la sɛla woo n boe bo poan. 12Bahɛ te samana la sɛla woo n boe a zuo dɛ'ɛna. Te tiihe woo n boe mɔen yoona la nyeema. 13Ba wan yoona Na'ayenɛ nɛŋan, la n kene na la. A kene na te a dekɛ la tontɔɔ vom gankɛ teŋparɛ wa, ge dekɛ yelemɛŋɛrɛ gankɛ nɛreba.

will be added

X\