Yooma 95

1Wa'an ya na te to yoon la nyeema bo Na'ayenɛ. Bahɛ ya te to yoon la paŋa bo Taŋa la n de to faanrɛ la. 2Bahɛ te to wa'an a zen'an na bo en fara, la pɛnka. To na'ahɛ ya a yu'urɛ wa la baaŋa la yoonɛ. 3Se'ere n sɔe la, Na'ayenɛ dela Yenɛ kantɛ, naba kantɛ n gane baga. 4A nu'en te teŋparɛ wa la teŋa teŋa ha bɔna, te zɔya zuin zuin dɛna enŋa denɛ. 5Ko'kantɛ wa dela enŋa denɛ. Enŋa n naam bɔ. Enŋa nu'uhe en naam teŋa wa. 6Wa'an ya na te to pɔnrɛ na'ma po'ohɛ en, to kpa' ya duma Na'ayenɛ n de to naana la nɛŋan. 7Se'ere n sɔe la enŋa n de to Yenɛ, te tomam dɛna a yaama piihe. Piihe se'ehe te a behera. Zina ho han wom a konkore, 8da kanbɛ ya sunya wo yamam yuun eŋɛ se'em Meriba la, bii yamam yuun eŋɛ se'em Massa daarɛ la pɔgɔtia la poan ha la. 9Zen'an te ya sɔdoma ta magahɛ mam behɛ, ge pon nyɛ mam eŋɛ sɛla la. 10Yuuma pihinaahe te mam suunre yehe la buuri kaŋa saŋa la. Mam yuun yeti, ba dela nɛreba te ba sunya bɔta bɔrɔgerɛ, te ba ka mina mam sɔrɔtɔ la. 11Bala te mam pɔ' la sunsunyiim yeti, ba kan kɛn' mam vo'ohogo la poan.

will be added

X\