Yooma 91

1Hom se'em n bɔna Saazuo Daana wa poan wan nyɛ vo'ohom Gaŋɛ Zan'an Yenɛ yilinyiliŋɔ ma'ahom. 2Mam wan yeti, Na'ayenɛ n de mam soka zen'an, la mam paŋa zen'an. Mam Yenɛ se'ere te mam nam. 3Yelemɛŋɛrɛ, a wan fan' hɔ bɛnregɔ poan bahɛ, ge fan' hɔ too seko n koore poan bahɛ. 4A wan pin' ho la a kɔnberɔ, te ho nyɛ soka zen'an a kelompagehe poan. A sakerɛ sera la wan dɛna ho zaba tɛ'ɛlega, la ho dangoone. 5Ho kan zɔta dabeem sebo en sige yu'uŋɔ, bii pɛɛma se'a n tɛɛnre bolika, 6bii too seko n sogɛ lika poan, bii seko n koore peelomen. 7Tuhure wan lu ho zen'an, te tuha pia lu ho zuɔ, ge la kan lɛm hom na. 8Ho nini en yeen wan nyɛta namehegɔ seko n sigere toonfɛn'ɛhadoma la zuo. 9Ho han eŋɛ Na'ayenɛ wa ho bɔŋa zen'an, Saazuo Daana wa han dɛna ho soka zen'an, 10sagaŋɔ ka boe wan paɛ hɔ. Nɔyalegerɛ ka boe wan lɛm ho yire na. 11A wan bo a soŋoreba nɔɔrɛ te ba mina ho yele. Te ba gu'ura hɔ ho sɔrɔtɔ woo poan. 12Ba wan zɛnkɛ ho tara te ho na'arɛ kan ŋmɛ' kugure. 13Ho wan nɛ gbegenɛ la kanpɛn'a, Ho wan nɛ gbegenpaŋa la zaŋkaŋa zuo. 14Na'ayenɛ yeti, N nɔŋɛ mam la zuo, n wan gura en, n wan zɛnkɛ en, en mi' mam yu'urɛ la zuo. 15A wan kaahɛ bo mam, te n lerege en. N wan bɔna la en daaŋɔ saŋa. N wan fan' en bahɛ, ge bo en na'ahegɔ. 16N tegehɛ en la vom woko, ge pa'alɛ en n faanrɛ la.

will be added

X\