Yooma 85

1Na'ayenɛ, hom zɔ ho mɛŋa teŋa wa ninbɔn'ɔn, ge malom sɛ Yakob sɔ'ɔlom wa ze'ele. 2Hom en di suguru bo ho nɛreba wa tuure, ge pin' ba be'em la. 3Hom mɛŋa en foe ho sunsunyiim la ba poan, ge bahɛ hom eŋɛ suunre la ba la. 4Tomam faanrɛ Yenɛ, malom sɛ to ze'ele, ge bahɛ ho suunre en ka bote to la. 5Hom suunre wan nyie la tomam la bala yɛ'ɛha? Ho sunsunyiim la wan lɔmɔha buuri saŋa ha? 6Hom kan le dooe to ihege te ho nɛreba le nyeena ho poan? 7Na'ayenɛ, pa'alɛ tɔ ho nɔŋerɛ kantɛ la, ge bo to faanrɛ. 8Mam wan kelehe Na'ayenɛ n de Yenɛ wa n wan yele se'em. A biŋe nɔɔrɛ te a wan bo a nɛreba sunma'ahom, sɛba n de a nɛreba ninmɔ'ɔrɛ la, ge ba da le lebe gɔɔnɛ poan. 9Yelemɛŋɛrɛ, a faanrɛ la lɛm mɛ la sɛba n zote en. Bala te a soŋa wan bɔna to teŋa wa poan. 10Nɔŋerɛ kantɛ la sakerɛ sera en lagom taaba, te tontɔɔ vom, la sunma'ahom kɔkɛ taaba. 11Saksera n to'e teŋa wa zuo, te tontɔɔ vom to'e saazuo ha beha na. 12Na'ayenɛ wan bo sɛla n ane soŋa na, te to teŋa wom dia zo'e. 13Tontɔɔ vom n boe nɛŋa maala sore bɔ'ɔra en te a kena.

will be added

X\