Yooma 80

1Israel duŋkeena wa, kelehe to. Hom se'em n pe'ere Yosef wo ho piihe wa, hom se'em n zin' ho na'am gɔŋɔ zuo te kelompagehedoma kae hɔ bahɛ teŋasoka wa, nɛɛ ho mɛŋa bo 2Epraim, Benyamin, la Manase na. Bahɛ te ho paŋa damɛ na fan' tɔ. 3Yenɛ, malom sɛ tɔ ze'ele. Bahɛ te to le nyɛ hɔ, la to nyɛ faanrɛ. 4Na'ayenɛ n de Yenɛ, dɛna zaba nɛŋadaana wa, wane ma'an te hom sunsunyiim wa wan bahɛ bo zabera la ho nɛreba wa sohoga? 5Hom uguru ba mɛ la nintam dia, ge bahɛ te ba nyu' nintam la wanɛ me'en. 6Hom bahɛ te nɛreba zabera la tɔ, te to diŋdoma kɛhera tɔ. 7Zaba nɛŋadaana wa, bahɛ te to le nyɛ hɔ, la to nyɛ faanrɛ. 8Ho tare la tia ze'ele Mizraim teŋa yehe na. Hom sa'ahɛ teŋhe ge sɛ dɛ. 9Hom uuhe de teŋa, te de nyɛga ba' teŋa, te de yeregɛ pin' teŋa la. 10Te de ma'ahom pin' zɔya, te de yila tɛɛn paga mɔlɔsonɔ tiihe zuto, 11te de tɛɛn yila bahɛ ko'kantɛ wa poan, te de yeŋa a se'a sige kolaa poan ha. 12Bene zuo te hom aanhegɛ dangoone se'ere n mɛ beŋe dela bahɛ, te nɛra woo nya gɔ'ɔha de wɔla? 13Dɛa sagona dɛ, te mɔen bonvɔɔhe woo ɔbera dɛ wa? 14Lebe to zen'an na Pɛɛntɛɛnreba Yenɛ wa, sure behɛ tia wa, 15Sure behɛ tia te hom mɛŋa nu'o sɛ wa, sure behɛ bisɛka te ho behɛ ka bo ho mɛŋa la. 16Ba nyɔ' ho tia la bahɛ mɛ. Ba kɛ' de mɛ nyɔ' la bugum. Hom han ne tanhɛ, nɛreba ne ki mɛ. 17Bahɛ te hon nu'o paga nɛra se'em en zin' ho zuɔ nu'o la, se'em te hom behɛ en bo ho mɛŋa la. 18Bala te tomam kan le malom bahɛ hɔ. Malom ihege to te to po'oha hom saŋa woo. 19Na'ayenɛ n de Yenɛ dɛna zaba nɛŋadaana wa, malom sɛ tɔ ze'ele. Bahɛ te to le nyɛ hɔ la to nyɛ faanrɛ.

will be added

X\