Yooma 8

1Na'ayenɛ tomam Daana, teŋparɛ wa zan'an nyɛ ho yu'urɛ la paŋa n zone se'em. Saazuo zan'an perɛ mɛ la hom soŋa. 2Hom paŋa pon nɛɛ mɛ la kɔma, la kɔmbilɛɛhe n pɛngere hom se'em la, te ho la sɛba n leregere ho nɛreba la diŋdoma woo pabegɛ. 3Mam han gorege bahɛ saazuo wa te hom nu'o maalɛ wa, ŋmarega, la ŋmarebibihe wa te hom maalɛ ba te ba yula ba yuluga zen'an wa, 4Asaala dela bem te hom tɛn'ɛha a yele. Nɛresaala dela bem te a yele pakɛ hom. 5Hom naam en te a taga la ho soŋoreba la poore, te ho dekɛ ho soŋa, la na'ahegɔ muŋa vuge en. 6Hom bo en paŋa te a sɔna ho nu'uhe tooma la zan'an behera. Ho dekɛ sɛla woo eŋe a nu'uhen. 7Piihe boohe la nii, la duŋse'ehe woo n boe mɔen, 8niihe n ɛngere saazuo, zim n boe ko'kantɛ poan, la sɛla woo n eere ko'om poan zan'an boe la nɛresaala nu'uhen. 9Na'ayenɛ tomam Daana, teŋparɛ wa zan'an nyɛ ho yu'urɛ la paŋa n zone se'em.

will be added

X\