Yooma 79

1Yenɛ, teŋhe yooro yooro en bala kɛn' ho sɔ'ɔlom wa poan na wa. Ba ganlom hom Toolom Yire la mɛ, kɛɛnhɛ Yerusalem te ka lebege tampogerɛ. 2Ba ko la ho yamehe, dekɛ ba iŋhe bo ziiro. Ba dɛka la hom nɛre ninmɔ'ɔrɛ iŋhe bo mɔen dunhe te se obe. 3Ba ko la nɛreba biŋe Yerusalem poan zen'an woo, te se'em ka bɔna wan pin' ba. 4Tomam nya lebege la toorɛ lɔkɔ bo sɛba n lɛm tɔ, dɛna kɛhega la ɛnregerɛ lɔkɔ bo sɛba n kae to la. 5Na'ayenɛ, wana wa wan yuue la wane? Hom n wan eŋɛ suunre bala wuuha? Hom nyuunre sunsunyiim wa n dite wo bugum wa wan ma'ɛn la wane ma'an? 6Ka'ɛ ho sunsunyiim wa bahɛ teŋse'ehe en ka mi' hom wa zuo. Ka'ɛ bo bahɛ teŋse'ehe en ka na'ahere hom wa zuo. 7Se'ere n sɔe la, ba obe Yakob mɛ, ge sagom a yire sɔ'ɔlom la. 8Da dekɛ to yaabdoma tuure la pagalɛ to zuo. Bahɛ te ho ninbɔn'zɔrɛ la ka'ɛ to zuo nananawa na ge la wuni to mɛ. 9Yenɛ to faanra wa, soŋɛ tɔ ho yu'urɛ soŋa la zuo. Fan' tɔ, ge di suguru bo to tuure wa, ho yu'urɛ la zuo. 10Bene zuo te teŋhe wan nyaŋɛ soke yeti, ba Yenɛ la bɛɛ? Lerege teŋse'ehe woo n ka'ahɛ hom nɛreba ziim wa to ninin, te teŋhe woo nyɛ baŋɛ te hom lerege ba la ho yamehe la ziim la zuo. 11Bahɛ te ho nɛreba wa n boe paka deo poan la fabelegɔ paɛ ho nɛŋan. La ho paŋa la, fan' sɛba te diŋdoma nyɔkɛ ba maahena te ba ko ba la bahɛ. 12To Daana, tee yɔ toorɛ se'ere te ba dekɛ eŋɛ hom la sugumnɔɔren boyopɔe bahɛ sɛba n toore hom la. 13Bala te tomam n de ho nɛreba wa, dɛna ho mɛŋa yaama piihe wa, wan pɛngɛ ho bala ka tara ba'ahegɔ. To buuri saŋa woo wan tɛɛnha de yele, dekera pɛnka bɔ'ɔra hɔ.

will be added

X\