Yooma 76

1Ba mi' Yenɛ mɛ Yuda poan, te a yu'urɛ kanregɛ Israel poan. 2A bɔŋa zen'an boe la Salem. Yenɛ kɛn'an zen'an boe la Zion. 3Bilam, yabega pɛɛma la zaba te'elehe la zaba so'ahe la zaba lɔgɔrɔ ka boe bini. 4Ho soŋa la ho paŋa sɛ mɛ gana zɔya. 5Kansaŋehe n bala gan'an kan le nyaŋɛ eŋɛ sɛla la. Ba ginhe la boyena ka le ihege. Pɛɛntɛɛnra la ayena ka boe wan nyaŋɛ zɛnkɛ nu'o. 6Hom Yakob Yenɛ wa tanhega ma'an n bilom yiri la i ban'areba bahɛ. 7Ho seren dela dabeem Yenɛ. Ho suunre han ihege, ane n wan nyaŋɛ ze'ele ho nɛŋan? 8Ho ze'ele la saazuo ha, ge tanhɛ bahɛ na, te teŋparɛ wa ana suram, 9se'em ma'an te ho ihege te ho gankɛ, ge fan' sɛba woo te ba muguhera ba teŋa wa zuo la. 10Hom han eŋɛ suunre la nɛreba, ho wan nyɛ pɛnka. Hon sunsunyiim n gee wan bo hon zen'an. 11Po'olɛ ya nɔɔrɛ bo Na'ayenɛ ya Yenɛ la, la ya tom dɛ. Bahɛ ya te teŋse'ehe woo n lɛm nɛreba tare bo'olom na bo en. A dela Yenɛ n tare dabeem. 12Yenɛ n ŋmate nabiihe baha, ge baha te teŋparɛ wa zuo nadoma paleŋa ɛngera la en.

will be added

X\