Yooma 75

1Yenɛ, tomam bo'ore la hom fara. To bo ho fara, la hom lɛm to la. Nɛreba tɔgɔre la hom nyalema la yɛla. 2Hom yeti, N maahene la saŋa te n gankɛ nɛra woo ma'an ma'an. 3Teŋparɛ wa, la sɛla woo n boe ka poan han miina, mam Yenɛ n ne sɛ ka ze'ele kaŋkaŋe. 4Mam yeti, pa'alɛ mɛŋa doma, da le pa'alɛ ya mɛhe. Toonfɛn'ɛhadoma, da le pa'alɛ ya panhe la. 5Da pa'ala ya yamam n kpe'em se'em, bii ya tɔgɔra ge okora ya mɛhe. 6Kpe'eŋo ka ze'ete dapɔya, bii zanɔya bɔba, bii bo ze'ele mɔen na. 7Kpe'eŋo ze'ete la Yenɛ se'ere n sɔe gankerɛ la zen'an na. Yenɛ dena n wan ta'an sigehe nɛra, ge zomehe nɛra. 8Na'ayenɛ zanle a sunsunyiim mɛ wo daam en kele paɛ paɛ la a nu'en. A wan ka'ɛ bɔ bo toonfɛn'ɛhadoma woo n boe teŋparɛ wa zuo, te ba nyu' bo ta ta' bo daam bino. 9Ge han dɛna mam, mam wan nyeena la bala yɛ'ɛha. Mam wan yoon pɛnka yooma bo Yakob Yenɛ wa. 10Yenɛ wan bahɛ te toonfɛn'ɛhadoma paŋa ba'ahɛ, ge a wan malom bo tontɔɔdoma paŋa.

will be added

X\