Yooma 7

1Na'ayenɛ, mam Yenɛ wa, mam sogɛ la hom poan. Fan' mam, ge yehe mam sɛba woo n digere mam wa nu'uhen bahɛ. 2Han dagana bala, ba wan aanhom mam wo gbegenɛ n nyɔkɛ nɛŋɔ aanhena ko se'em la. Ba wan aanhom mam zɔnra zɔnra, te se'em ka bɔna wan fan' mam ba nu'uhen bahɛ, 3Na'ayenɛ, mam Yenɛ wa, mam han tom yele aŋa taaba la mam nu'uhe wa ganlom mɛ, 4mam han eŋɛ be'em bɔ'ɔra se'em n dagɛ mam diŋdaana la, bii n fan' n diŋdaana yoo, 5la han dɛna la bala, bahɛ te n diŋdaana wa dige nyɔkɛ mam. Bahɛ te a nɛɛna mam vɔe teŋa teŋa ha. Bahɛ te ba nyɔkɛ ko' mam. 6Na'ayenɛ, vaɛ ihege la suunre. Bahɛ te ho suunre taɛ bahɛ n diŋdoma wa sunsunyiim wa zuo. Mam Yenɛ wa, ihege saazuo, la ho gankerɛ se'ere te ho maahom la. 7Bahɛ te lagaŋɔ woo nɛreba lagahɛ hom nɛŋan na kae hɔ mum. Bahɛ te ho behera ba saazuo ha. 8Bahɛ te Na'ayenɛ gankɛ nɛreba. Gaŋ Zan'an Na'ayenɛ, ze'ele n tontɔɔ bɔŋa wa, la n birikinte wa poan gankɛ mam. 9Tontɔɔ Yenɛ wa, hom n de se'em n nyɛte nɛra potɛn'ɛrɛ la a suunre poan zan'an. Bahɛ te potɔpa wa gbirigere wa go'e. Ge sɛ' tontɔɔdoma wa ze'ele. 10Gaŋ Zan'an Yenɛ n de mam tɛ'ɛlega. A fan' tuntɔɔdoma. 11Yenɛ gankerɛ dela tontɔɔ. Enŋa n de Yenɛ te a sunsunya nyie la nɛreba daarɛ woo, 12Enŋa han ka tee a potɛn'ɛrɛ la, Yenɛ wan saahɛ a so'a ge te a a wan ba' a tanhɔ. 13A wan vaɛ a zaba lɔgɔrɔ buke, ge maahom a yabega pɛɛma la te a tɛn'. 14Hom se'em n nyɔkɛ be'em la daaŋɔ poorɛ, dɔgɛ sunsagaŋɔ bo ho mɛŋa. 15Hom se'em n tun' boko te nɛra wa'ana lu' bini, ho mɛŋa wan tuluge lu' ko poan. 16Daaŋseko woo te nɛra maahom biŋe la wan tuluge sige a mea zuo na. Gbirigere seko woo te nɛra maahom ne te la wa'an ayema zuo na la wan tuluge sige a mɛŋa zuo na. 17Mam wan bo Na'ayenɛ fara, la hon de tontɔɔ la, ge yoon yooma bo Gaŋɛ Zan'an Na'ayenɛ la yu'urɛ.

will be added

X\