Yooma 67

1Yenɛ, zɔ to ninbɔn'ɔn ge kan' bahɛ to zuo, ge bahɛ te to nyɛ ho nɛŋa. 2Te teŋparɛ wa zan'an baŋɛ ho sore la, te teŋhe woo me baŋɛ ho faanrɛ paŋa la. 3Yenɛ, bahɛ te nɛreba pɛngɛ hɔ. Bahɛ te nɛreba zan'an pɛngɛ hɔ. 4Bahɛ te teŋhe nyeena, ge yoona la popeelom pɛngera hɔ. Se'ere n sɔe la, ho gankere nɛreba la lan nare se'em, ge gu'ura teŋhe teŋparɛ wa zuo. 5Yenɛ, bahɛ te nɛreba pɛngɛ hɔ. Bahɛ te nɛreba zan'an pɛngɛ hɔ. 6Teŋparɛ wa wom la lɔgɔrɔ zo'e. Se'ere n sɔe la, Yenɛ la n de tomam Yenɛ la en kan' bahɛ ka zuo. 7Yenɛ wan kelom soŋora to bala yɛ'ɛha, te nɛreba n boe teŋparɛ wa zuo zen'sɛka woo na'ahɛ hom.

will be added

X\