Yooma 65

1Zion poan Yenɛ wa, pɛnka nare mɛ la hom. To wan eŋɛ tomam biŋe nɔɔrɛ te to eŋɛ se'em la bo la hom. 2Hom dela se'em n leregere sohoga. Asaala woo wan wa'an la hom zen'an na. 3Toonbe'ero han ta nyaŋɛ tɔ, ho ne di suguru bo to tuure la mɛ. 4Popeelomdoma dela sɛba te hom mɛŋa loe ba te ba bɔna ho Yire la poan la. To suunre wan ma'ɛn mɛ, la etesoŋɔ seko n boe ho toolom Yire la poan la. 5Ho lerege tomam sohoga mɛ na, la tooma n tare dabeem, fan' tomam bahɛ. Ho dela Yenɛ se'ere n de tomam faanrɛ. Teŋparɛ wa zan'an, la sɛba n pon zaan bɔna dapɔya bɔba ha la woo potɛn'ɛrɛ dele la hom. 6Hom mɛŋa paŋa n sɛ zɔya wa ze'ele. Paŋa ma'an n de ho sɛganɛ. 7Hom bahɛ te ko'kantɛ dameŋa yee suram, te ko'mi'inhe ŋmɛ'an ma'ɛn, te nɛreba voole yee suram. 8Nɛresɛba n boe teŋa wa zaan zaanrɛ ha, ya' la nɔya la ho tooma la. Hom maalɛ bolika, ge bahɛ te zanɔɔrɛ paara la nyeema. 9Hom kaare teŋparɛ wa beha ge bɔ'ɔra ka ko'om. Hom bo'ore ka lɔgɔrɔ. Yenɛ kolaa la perɛ mɛ la ko'om. Hom bo'ore nɛreba boom. Se'ere n sɔe la, hom maahom dɛ se'em n bala. 10Hom bahere teŋparɛ wa vuguhe ko'om, te se lɔɔheme perɛ la ko'om. Hom pogole ka la ko'om, ge bahera te ka bonbula yɛhera. 11Hom tare dia maalegɔ te la dɛna na'am muŋa vuge teŋparɛ wa. Ho bahɛ te banya perɛ yabera. 12Duŋfɔla sobege mɛ ana vɛpi, te zɔya lo ba mɛhe la nyeema. 13Sɛngehe perɛ mɛ la piihe, te samana perɛ la dia, te ba zan'an nyeena la yooma.

will be added

X\