Yooma 64

1Yenɛ, wom n yele wa te n tɔgɔra wa. Gu' n vom toonfɛn'ɛhadoma wa nu'uhen. 2Soŋɛ mam te ba potɛn'be'ero la te ba maahena la da nyɔkɛ mam. Yehe mam be'emdoma wa bɛnregɔ la poan. 3Ba zɛlehe dite mɛ wo zaba so'ahe la, te ba tɛɛnra yetɔgɔbe'ero wo pɛɛma la. 4Ba sogɛ mɛ tɛɛnra nɛresɛba en ka tare tuure la na. Tɛɛnra te dabeem ka tara ba. 5Ba gin' ba puto potɛn'ɛrɛ la la kaŋkaŋe. Ba sogɛ mɛ sɔnha ponpɔrɔŋɔ bɛntɔ seto te ba wan tom, ge tɛn'ɛha yeti, Ane n wan nyɛ bɛntɔ wa. 6Ba maahom la potɛn'be'ero, ge kerena la taaba yeti, to nyɛ to wan eŋɛ. Nɛra suuren yele baŋerɛ me tɔe mɛ. 7Ge la bala zan'an, Yenɛ wan tɛn' ba la a mɛŋa pɛɛma. Ba wan pogolom nananawa. 8Ba zɛleŋa la zuo, Yenɛ wan bahɛ te sagaŋɔ sige ba zuo na, te se'em woo n nyɛ ba wan lɔbera zuto. 9Bilam te dabeem wan kɛn' nɛra woo, te ba tɔgɔra Yenɛ n bahɛ te sɛla eŋɛ la. Ba wan tɛn'ɛha Yenɛ n eŋɛ se'em la. 10Tontɔɔdoma wan nyeena Na'ayenɛ poan, ge sogɛ ba mɛhe a poan. Sɛba n de tontɔɔ ba sunya poan wan tara nyeema.

will be added

X\