Yooma 63

1Yenɛ, hom de mam Yenɛ, mam suunre eere la hom. Mam eere ho mɛ wo ko'om la. Mam iŋa ki mɛ wo pɔgɔtia poan te ko'om ka bɔna la ɛɛra hɔ. 2Mam nyɛ ho paŋa, la ho soŋa n ane se'em ho Yire la poan. 3Ho zo'ohogɔ la n gane vom la zuo, mam nɔɔrɛ wa wan pɛngɛ la hom. 4Mam pɛngere hɔ n vom wa woo poan. Mam wan ŋmɛ nu'po'ɔ yi' la hom yu'urɛ. 5Mam suunre tegɛ mɛ wo kaam nɛnɔ n ne obe tegɛ se'em la, te mam nɔɔrɛ yoona nyeema yooma pɛngera hɔ. 6Mam han gan'an n soŋɔ zuo, mam tɛn'ɛhere la ho yele, ge ihegera yu'uŋɔ tɛn'ɛhera ho yɛla la. 7Se'ere n sɔe la, hom de mam soŋorɛ. Mam wan sogɛ la hom poan, ge yoona la popeelom. 8Mam sea lo mɛ la hom. Ho zuɔ nu'o n gorɛ mam tara. 9Ge sɛba n eere ba ko mam la wan sige teŋa teŋa. 10Ba wan ki zaberɛ poan. Sanhe wan aanhom ba. 11Ge naba la wan bɔna Yenɛ poan nyeena. Sɛba woo n tare Yenɛ yu'urɛ wa te de dɛna ba pɔtɛ la wan pɛngera en, ge ponpɔrɔŋdoma nɔya wa le'.

will be added

X\