Yooma 62

1Mam ane baanlam gura la Yenɛ ma'an. Faanrɛ ze'ete la enŋa zan'an na. 2Enŋa ma'an n de mam taŋa te n yaga, la mam faanrɛ. Enŋa n de dangoone kae mam. N kan miina. 3Ya yeti ya zabɛ la nɛra wa la yuuma a lɛ ko en? Yamam yeti ya eta n mɛ wo dangoone te ya kebeha te de ta lu, bii ya zan'ara n wo sɛla n dekɛ beŋɛ te ya zan'ara te ya zan'ɛn bahɛ la? 4Ba potɛn'ɛra zan'an dela ba lobɛ nɛra n tare zuo. Ba poorɛ pee mɛ la ponpɔrɔŋɔ. Ba tara la ba nɔya poan kan'ara, ge ba sunya poan perɛ mɛ la zɛrɛgerɛ. 5Mam ane baanlam gura la Yenɛ ma'an. Se'ere n sɔe la, mam potɛn'ɛrɛ boe la enŋa poan. 6Enŋa ma'an n de mam taŋa te n yaga, la mam faanrɛ. Enŋa n de dangoone kae mam. N kan miina. 7Mam faanrɛ la mam soŋa boe la Yenɛ nu'uhen. Enŋa n de mam taŋkɛ'ɛŋa. Yenɛ n de mam soka zan'an. 8Nɛresaaleba, dekɛ ya mɛhe delom n saŋa woo. Dekɛ ho suunre daaŋɔ zan'an biŋe a nɛŋan. Yenɛ dela soka zen'an bo saaleba woo. 9Taromdoma dagɛ sɛla. Kpɛ'ɛndoma dela zaŋa. Ba han magahɛ ba, ba zan'an dela boyena. 10Da dekɛ ho mɛŋa delom piŋa, bii ho dekɛ ho potɛn'ɛrɛ delom fan' tooma. Ho tarega han pon malom pa'ahera, da dekɛ ho potɛn'ɛrɛ delom bilam. 11Yenɛ tɔgɛ la boyena, te mam wom dɛ boyi' yeti, Yenɛ n sɔe paŋa, 12nɔŋerɛ kantɛ dela hom n Daana wa denɛ. Ho yɔɔrɛ nɛra woo la n tom se'em.

will be added

X\