Yooma 61

1Yenɛ, kelehe n kaahega wa. Kelehe n sohoga wa. 2Mam boe la teŋparɛ wa zuo, zen'an n zaan, ge yi'ira hɔ. N banlɛ la zan'an. Tare mam paɛ taŋa wa n wɔgɛ gana mam wa. 3Se'ere n sɔe la, hom de mam soka zen'an, hom de mam tɛ'ɛla, tɛ'ɛla mam n diŋdoma nu'uhen. 4Bahɛ te n bɔna ho Sogorɛ la poan bala yɛ'ɛha. Bahɛ te n sogɛ ho kelompagehe wa te'elego la poan. 5Yenɛ, hom wom mam biŋe nɔse'ere. Hom dekɛ bo'olom sebo n de sɛba n zote hom yu'urɛ la denɛ la, bo mam. 6Bo' naba wa vom woko. Pa'ahɛ n yuuma buuri saŋhe zo'e zo'e poan. 7Bahɛ te a bɔna a na'am la poan bala hom Yenɛ nɛŋan wuuha. Bahɛ te nɔŋerɛ kantɛ la, la sakerɛ sera beha en. 8Bala te daarɛ woo n han bɔ'ɔra mam biŋe nɔɔrɛ se'em la, n wan tara yooma pɛngera ho yu'urɛ wuuha.

will be added

X\