Yooma 6

1Na'ayenɛ, da ze'ele ho suunre n nyie la mam se'em la poan namehɛ mam, bii ho ze'ele ho sunsunyiim la poan donlegɛ n toberɛ. 2Na'ayenɛ, zɔ n ninbɔn'ɔn. Se'ere n sɔe la, mam nya kɔ'ɔn pabegɛ la zan'an. Bo' ma paŋa, ge n giinla kɔ'ɔhɛ la zan'an, te paŋa la fiin wa ka bɔna n poan. 3Sunsagaŋɔ ma'an n perɛ mam. Na'ayenɛ, daan dene te ho wa'an soŋera mam? 4Na'ayenɛ, ŋmɛregɛ fan' mam bahɛ. Fan' mam bahɛ ho zo'ohogɔ zuo. 5Se'ere n sɔe la, ho ka tare pɛnka ke'endoma poan. Ane n wan bɔna bilam ge pɛngera hom? 6Ɛnregɔ ma'an n koore mam, n han kɛn' yu'uŋɔ te n gan'arɛ. Nintam ma'an ne buhege n soŋɔ la n dafeere vɛra. 7Ɛnregɔ, la koonɔ ma'an n bahɛ te mam nini wa vibe. Mam diŋdoma etegɔ wa bahɛ te mam kele mɛ te mam nini ka le nyɛta. 8Yelebe'eteba wa, fɔnregɛ ya n nɛŋan ha. Se'ere zuo la Na'ayenɛ la wom mam kaahega la mɛ. 9Na'ayenɛ la wom mam fabelegɔ la mɛ. Na'ayenɛ la to'e mam sohoga mɛ. 10Nyanɛ wan diti mam diŋdoma wa, te dabeem kɛn' ba. Ba wan zɔ lebe pooren kalom la valom kantɛ.

will be added

X\