Yooma 59

1Yenɛ, fan' mam n diŋdoma wa nu'uhen bahɛ. Gu' mam sɛba n ihege zabera la mam wa nu'uhen bahɛ. 2Fan' mam sɛba n tue wa nu'uhen, Fan' mam ziim ka'ahereba wa nu'uhen bahɛ. 3Ba pon pigira mam mɛ nananawa te ba ko. Panhedoma la kɔ'ɔn gbirigera mɛ la mam. Na'ayenɛ, dagɛ mam tue la se'ere, bii n tom la be'em. 4Dagɛ la mam gee mɛ zuo te ba mɔ'ɛ nini te ba zabɛ la mam wa. Ihege soŋɛ mam. 5Na'ayenɛ, hom de zaba nɛŋadaana, dɛna Israel Yenɛ. Ihege sagom teŋhe wa nɛreba wa zan'an. Da bahɛ sɛba n de kae pooren doma la ayena mɛ. 6Zaanɔɔrɛ woo, ba ne lebe mɛ na wɔɔla wo baahe la, gbirigera teŋa la. 7Behɛ, bama en bala ha, ya'ɛ ba nɔya tɔgɔra yelese'a en ŋmate wo so'a la, ge yeti ane n wan wom? 8Ge hom Na'ayenɛ la'are ba mɛ. Hom kɛhere nɛrebana doma mɛ. 9Mam paŋa dela hom. Mam wan ɛ hɔ. Se'ere n sɔe la, hom Yenɛ n de mam soka zan'an. 10Mam Yenɛ wa wan ze'ele de nɔŋerɛ kantɛ la poan kelehe mam. Mam Yenɛ wa wan bahɛ te n nyaŋɛ n diŋdoma. 11Da ko n diŋdoma wa, ge bala n nɛreba wan ta tamɛ hom eŋɛ se'em. N Daana wa n de tɛ'ɛla wa, dekɛ ho paŋa la damɛ ba te ba koŋe ihegere. 12Ba nɔya, la ba nɔgbama en tɔgɛ be'em sebo la zuo, bahɛ te ba pa'alɛ mɛŋa la nyɔkɛ ba, la bama en zɛrɛgɛ ge parom yelese'a woo la. 13Bahɛ te ho sunsunyiim la di ba. Bo di ba kanbelɛ kanbelɛ. Te teŋparɛ wa woo baŋɛ te hom Yenɛ n sɔe Yakob zan'an behera. 14Zaanɔɔrɛ woo, ba ne lebe mɛ na wɔɔla wo baahe la, ge gbirigera teŋa la. 15Ba tuune la bala ɛɛra dia, Ba han ka di tegɛ, ba wuuni la bala. 16Ge mam wan yoon pɛngɛ ho paŋa la. Bolika, mam wan yoon voole pɛngɛ ho nɔŋerɛ kantɛ la. Se'ere n sɔe la, hom de mam soka zan'an n sunsagaŋɔ saŋa. 17Hom n de mam paŋa. Yenɛ, mam wan yoon pɛngɛ la hom. Hom n de mam soka zen'an, ge dɛna se'em n tare nɔŋerɛ kantɛ bɔ'ɔra mam.

will be added

X\