Yooma 56

1Yenɛ, zɔ n ninbɔn'ɔn, ge nɛreba la kɔ'ɔn nɛɛra mam mɛ. Beere en yelegere woo dima la muguhere mam mɛ. 2Mam dima la kɔ'ɔn nɛɛra mam la bala beere en yelegere woo. Pa'alɛ en mɛŋa doma la zo'e mɛ zaberɛ la mam. 3Dabeem en nyɔkɛ mam, bala mam dekɛ n mɛŋa delom la hom. 4Mam dekɛ n mɛŋa delom la Yenɛ se'ere yelehom te mam pɛngera la. Mam dele la Yenɛ, dabeem ka tare mam, nɛresaala wan eŋɛ mam la bem? 5Beere en yelegere woo, ba eere la sose'ere te ba wan doohe pogolom mam. Ba kɔ'ɔn tɛn'ɛha la be'em ma'an bahera en zuo. 6Ba kɔ'ɔn zegera mɛ, ge sogɛ pigira mam dɔlɔga zen'an woo la potɛn'ɛrɛ te ba wan nyaŋɛ ko mam. 7Ba be'em wa poan wa, ba wan nyɛ faanrɛ? Yenɛ, dekɛ ho sunsunyiim la sagom nɛreba la bahɛ. 8Hom mi' mam tuuŋɔ wa kanlɛ n zone se'em, ge vaɛ mam nintam wa sun' lugi lugi poan, sɛla woo n ete mam wa ka boe hom gɔŋɔ la poan mɛ yoi? 9Mam mi' te daanse'ere daarɛ te mam wan yi bo ho la, n diŋdoma wa wan lebe pooren. Mam mi' se'ere dela, Yenɛ n sɔe mam. 10Yenɛ yelehom la n de mam pɛnka. Na'ayenɛ wa yelehom la n de mam pɛnka. 11Mam dele la Yenɛ, dabeem ka tare mam. Nɛresaala wan eŋɛ mam la bem? 12Yenɛ, mam wan bo ho mam biŋe nɔɔrɛ te n eŋɛ sɛla la. Mam wan dekɛ pɛnka kaanbɛ hɔ. 13Se'ere n sɔe la, ho fan' mam la kum poan bahɛ, ge sɛ mam ze'ele te n ka lu, te n bɔna hom nɛŋan, ge vɔna Yenɛ nɛɛhom la poan.

will be added

X\