Yooma 54

1Yenɛ, ze'ele ho yu'urɛ la poan fan' mam bahɛ. Ze'ele ho paŋa la poan bo mam boorɔ. 2Yenɛ, kelehe n sohoga wa, kelehe n nɔɔrɛ yetɔgom wa. 3Teŋhe sese'ehe nɛreba en ihege zabera la mam. Nɛre wuruba en eere mam vom. Ba dela sɛba te hom zɔɔlom ka bɔna ba poan. 4Behɛ, Yenɛ n de mam soŋora. Daana la n tare mam vom. 5A wan yɔ n diŋdoma be'em la. Yenɛ, ze'ele ho sakerɛ sera la poan sagom n diŋdoma wa zan'an. 6Mam wan kaanbɛ popeelom bo'olom bo ho, ge pɛngɛ hom Na'ayenɛ yu'urɛ wa. Se'ere n sɔe la de tare la som. 7Enŋa n fan' mam n daaŋɔ wa poan bahɛ, te mam nya beha te mam nyaŋɛ n diŋdoma wa.

will be added

X\