Yooma 49

1Nɛresaala woo wom dena wa. Nɛresaala woo n boe teŋa wa zuo, be'e a toberɛ kelehe dena wa. 2Kpɛ'ɛndoma la taromdoma, dakanpa la nahadoma zan'an wom. 3Yam yetɔgom ma'an n wan zɛ'ɛta mam nɔɔrɛn na. Bɔkerɛ wan bɔna mam suunre tɛn'ɛhegɔ yɛla poan. 4Mam wan be'e n toberɛ kelehe yetɔgɔbiŋire, ge dekɛ n magaha ŋmɛ' n kɔnlɔgɔ. 5Bene zuo te n tara dabeem daaŋɔ saŋa, bii saŋsɛka poan te n diŋdoma wan kae mam mum la ba be'em la? 6Bene te n wan tara dabeem la sɛba n dekɛ ba mɛhe delom ba tarega, bii ŋmɛ'ɛra ba nyɔn'ɔn la ban tare zo'e se'em? 7Yelemɛŋɛrɛ, se'em ka boe wan yɔ to'e a ta daana vom. Sɛla ka boe te se'em wan dekɛ yɔ Yenɛ a tadaana vom zuo. 8Se'ere n sɔe la, nyonrore to'ore dagi fiin, se'em ka boe wan nyaŋɛ yɔ, 9bo ayema te a vɔna wuuha kan malom sige a yɔɔ poan. 10To han behɛ yamdoma, ba kiiri mɛ, te geto, la bonyori doma kiira, ge baha ba lɔgɔrɔ la. 11Ba yɔɔrɔ n de ba yiya yɛ'ɛha, la ban pon tara zen'enhe teŋa wa zuo la, ba yiya dela ba yɔɔrɔ la poan saŋa woo yɛ'ɛha. 12Saaleba soŋa kan ta'an bɔna bala yɛ'ɛha, te ane mɛ wo dunhe la, lagom kiira. 13Geto la, la sɛba n dekɛ ba mɛhe delom ba tarega la n ba'ahere se'em n bala. 14Ba ane mɛ wo piihe la, te ba maahom ba yɛ'a koa. Kum n wan keena ba. Ba keŋɛ la tontɔɔ, ta sige yɔɔ poan, te ba naanɛ la zan'an sagom, yɔɔ poan n de ba yire. 15Ge Yenɛ wan fan' mam sea yɔɔ poan bahɛ. Se'ere n sɔe la, a wan to'e mam. 16Se'em han ta lebege dakanrɛ, te ba' yiya poan lɔgɔrɔ la malom pa'ahera, da bahɛ te la tara hɔ dabeem. 17Se'ere n sɔe la, ba han ta ki, ba kan pin'e sɛla keŋɛ, ba lɔgɔrɔ la kan doohe ba sige teŋa. 18Ban daa vɔe la, a daa bahɛ ba mɛhe te ba dela Popeelom doma. Se'ere n sɔe la, ho han kpeŋe ho mɛŋa teŋa wa zuo, ho ne nyɛ la pɛnka, ge la bala zan'an, la, dela yoo bo ba. 19Ba yeti ba sige paɛ la ba sɔyaabdoma, sɛba n kan la malom nyɛ nɛɛhom la. 20Saaleba soŋa kan ta'an bɔna bala yɛ'ɛha, to ane mɛ wo dunhe la, lagom kiira.

will be added

X\