Yooma 46

1Daaŋɔ saŋa, hom Na'ayenɛ n de mam soka zen'an, la mam paŋa. Daaŋɔ saŋa, hom n de mam soŋorɛ. 2Teŋa wa han poan tee, te zɔya muhe ko'kantɛ wa poan, dabeem ka tare mam. 3Ko'om n ŋmɛ'ɛre ge fukira na, te zɔya mi'ina, dabeem ka tare mam. 4Kolaa kayema n zote baha Yenɛ teŋa la n de Gaŋɛ Zan'an Yenɛ teŋa la zuo, te ka tara popeelom. 5Yenɛ boe a teŋa wa poan mɛ sɛla kan ta'an sagom ka. Wontɛɛŋa han ta luta, Yenɛ wan tare soŋorɛ na. 6Teŋhe gbirige mɛ, te sɔ'ɔlom sɔ'ɔlom wɔnta, te Yenɛ yetɔgom ma'an te teŋperɛ wa nyɛlegɛ. 7Pɛɛntɛɛnreba Na'ayenɛ wa boe mɛ la tɔ. Yakob Yenɛ wa n de to mam soka zen'an. 8Wa'ana behɛ Na'ayenɛ wa n tom se'em. Behɛ sagaŋɔ seko te a dekɛ bahɛ teŋparɛ wa zuo. 9Teŋ parɛ wa zen'an woo, se'em ka le bɔta zaberɛ. A kɔ tiini bahɛ mɛ, ge nyɛlegɛ kana, ge nyɔ' zaba tɛ'ɛlehe la bugum bahɛ. 10Ana baanlam, ge mina te mam n de Yenɛ. Mam te teŋhe pɛngera. Mam te teŋperɛ wa woo pɛngera. 11Pɛɛntɛɛnreba Na'ayenɛ la boe la to mɛ. Yakob Yenɛ la n de to soka zen'an.

will be added

X\