Yooma 45

1Yelesoma n perɛ mam suunre poan, te mam fɔɔha yele yele bɔ'ɔra naba la. Mam zɛleŋa yeti mɛ wo gɔŋgoloha dibe golehega la. 2Hom n som gan nɛra woo, te zo'ohogɔ yɛla ma'an bɔna ho nɔɔrɛn. Bala zuo te Yenɛ kan' bahɛ ho zuo kɔ'ɔn yɛ'ɛha. 3Paŋadaana wa, na'am la soŋadaana wa, lo ho so'a. 4Dɛna naba, sɔna zan'an. Bahɛ te yelemɛŋɛrɛ nyaŋɛ, ge po'e tontɔɔdoma zɛnkɛ ho nu'o tom tooma n tare dabeem. 5Ho pɛɛma n bala lota dima la sunsunya poan la. Nɛra woo lu gan'an la ho na'ma teŋa. 6Yenɛ, ho na'am la boe la bala ka tara ba'ahegɔ. Ho na'am doore la dela narehom doore. 7Ho nɔŋɛ la tontɔɔtooma, ge yaɛ pototooma. Bala zuo te Yenɛ ho Yenɛ la sɔ' ho la nyeema kaam te ho gana ho taaba la. 8Ho futo zan'an nyuhe mɛ la *muur la tiihe dɔɔrɔ nyuŋo n ane soŋa. Ho boe la yikanra se'a te ba dekɛ wɔbegɔ nyɛna golɛ a poan, te kɔnlɔgɔ ŋmɛ'ɛra yoonsoma, te ho poorɛ pɛɛra. 9Ho pɔyɔɔhe tare la zuto, dɛna nabiihe, te naba pɔga bagɛ a mɛŋa la sanlema. 10N pɔyɔa wa be'e ho toberɛ kelehe. Tamɛ ho nɛreba, la ho sɔ yire yele. 11Naba la nyɛ la ho som la. Enŋa n de ho daana la zuo, na'aha en. 12Tire teŋadoma la n de bontateba, tara lɔgɔsonɔ kekeko la wan tare ba lɔgɔrɔ wa'ana bɛlena hɔ. 13Naba la pɔyɔa la sanlema futo zin'an a sɔnhega bɔ'ɔ poan. 14Te pɔka wa yɛ lɔgɔ ponpɔtɔ, te ba tare ka yɛ'a naba la zen'an, te pɔgɔsa'ara dɔla ka poore 15Te ba tara ba kɛn'ɛra naba la yire la poan la popeelom, la nyeema. 16Ho wan tara dayɔɔhe ho sɔyaabdoma teŋa la poan, eŋɛ se te se dɛna nabiihe teŋparɛ wa woo zuo. 17N wan zɛnkɛ ho yu'urɛ wa, te buuri woo saŋa dɛna de de'eŋɔ. Bala zuo, nɛreba woo wan pɛngera ho yu'urɛ wa kɔ'ɔn yɛ'ɛha.

will be added

X\