Yooma 42

1Wo walega n eere ko'om se'em la, bala te mam suunre ɛɛra hom Yenɛ. 2Mam sea eere la Yenɛ. Mam sea eere la Yenɛ vɔa wa. Daan denɛ te mam wan nyɛ hom Yenɛ? 3Nintam n de mam dia, bolika la yu'uŋɔ zan'an, ge te nɛreba nyɛ ɛnregera mam yeti, Ho Yenɛ la bɛɛ? 4Yele se'a te mam tɛnra n fabelegɔ saŋa la dela, mam n boe ba nɛŋa, zanla bugum te to kɛn'ɛra Yenɛ Yire la poan la nyeema, la voole, la pɛnka yooma la, te la dɛna nɛrekooŋɔ de'eŋɔ la. 5Mam suunre wa, bene te ho ana bala bora? Bene te ho sagom bala? Tara potɛn'ɛrɛ la Yenɛ wa. Se'ere n sɔe la, mam wan ihege le pɛngɛ a soŋorɛ. 6La n Yenɛ wa mɛ. Mam sea n yehe n mɛŋa, ge mam tɛnre hom n eŋɛ se'em Yordan Kolaa zen'an, la Hermon Zoore, la Mizar Zoore la zuo na la. 7Ho tanhɛ te ko'kanra lagom taaba ho ko'mi'inhe, la se dameŋa n pin mam. 8Beere ne han yiligɛ, Na'ayenɛ ne bo mam la a zo'ohogɔ la, te yu'uŋɔ te a bo mam yoonɛ n poan ha, te n ne po'ohɛ n Yenɛ wa n sɔe mam vom wa. 9Te mam yele Yenɛ yeti, N taŋa wa, bene te ho zagahɛ mam? Bene te n wan ɛɛra kɛla bala n diŋdoma n muguhere mam zuo? 10Mam diŋdoma wa bahɛ te la wona mam wo nɔtɛ kɛka n boe mam iŋa poan wona mam la yeti, Ho Yenɛ la bɛ? 11Mam suunre wa, bene te ho ana bala bora? Bene te ho sagom bala? Tara potɛn'ɛra la Yenɛ. Se'ere n sɔe la, mam wan ihege le pɛngɛ n soŋorɛ, la n Yenɛ wa mɛ.

will be added

X\