Yooma 4

1Tontɔɔ Yenɛ wa, n han ne yi' ho, ho ne sakɛ mɛ fan' mam n sunsagaŋɔ wa poan bahɛ. Zɔ n ninbɔn'ɔn, ge wom n sohoga wa. 2Nɛresaaleba wa, daan denɛ te ya wan bahɛ mam na'ahegɔ lebege nyanɛ? Daan denɛ te ya nɔŋɛ pototooma la eere bagayooro wa? 3Mini ya te Na'ayenɛ pon yehe sɛba n zote en la lɛm la a mɛŋa. N han yi Na'ayenɛ, a wan kele mam. 4Ho suunre han ihege, da tom be'em. Ya han ne ta bɔna ya gan'aherɛ poan, ne tɛn'ɛhe ya ya sunya poan, la ya bahɛ te ya kan le voole. 5Kaanbere ya kaanbe seko n de ma'an ge dele Na'ayenɛ. 6Zo'e zo'e sokere yeti, Ane n wan soŋɛ tɔ? Na'ayenɛ, bahɛ te ho nɛŋa nɛɛhom nɛɛ la tɔ. 7Ho bahɛ te popeelom n perɛ mam suunren wa gana popeelom sebo te ki' la daam paalom n ne bɔna. 8N gan' ginha la fai. Se'ere zuo la, hom Na'ayenɛ ma'an gura mam te sɛla ka daana mam.

will be added

X\