Yooma 39

1Mam yele n mɛŋa yeti, N wan gu'ura n mɛŋa soŋa, la n da dekɛ n zɛleŋa tom be'em. Potɔpa wa n boe wa, n wan pɛ' n nɔɔrɛ sina. 2Mam ane la baanlam, ka gbita nyɔkɛ n mɛŋa, ta bahɛ yoo. Mam sunsagaŋɔ la malom gaŋɛ la bala, te mam suunre poan ha tulugɛ. 3Mam n unhure poan ha se'em la, bugum la dite mam la bala poan ha, te mam ta koŋɛ ge tɔgɛ bahɛ na. 4Na'ayenɛ, pa'alɛ la wan ta ana mam se'em, la n dabeha n zone se'em. Bahɛ te n baŋɛ mam wan keŋɛ daanse'ere daarɛ. 5Mam dabeha dela kunkute bɔna ho nu'en, mam vom ka seke se'ere hom nɛŋan. La dela bala, nɛra woo ka seke se'ere hom nɛŋan. 6Nɛra woo ane mɛ wo yilinyiliŋɔ la. To zeka la woo dela zaŋa. To kɔ'ɔn lagaha biŋera mɛ, ge to mi' se'em n wan sɔna. 7N Daana, nananawa, mam le gura la ane? Mam potɛn'ɛrɛ boe la hom poan. 8Fan' mam n be'em wa zan'an bahɛ. Da bahɛ te gerego la' mam. 9Mam ane la baanlam, kan ta'an ya'ɛ nɔɔrɛ. Se'ere n sɔe la, hom n eŋɛ. 10Bahɛ n ŋmɛ'a bala, ho han le ŋmɛ' mam, n wan lu'. 11Saaleba han tom be'em, ho ne donlegɛ la ba toberɛ. Ho ne di tomam n lagahɛ sɛla eoo biŋe la mɛ wo mɔka la. To ka sekɛ sɛla. 12Na'ayenɛ kelehe n po'ohegɔ wa kelehe n kaahega wa. Da bahɛ te n kɛla wana ge te ho sina. Mam me dela saana wo n sɔyaabdoma la, dɔla ho teŋa wa zuo tɔla. 13Yehe too wa n nɛŋan, te n mɛ nyeem fiin wa, ge me keŋɛ kan lebe na.

will be added

X\