Yooma 38

1Na'ayenɛ, da ze'ele ho sunsunyiim poan tanhɛ mam, bii ho ze'ele ho sunsunyiim poan donlegɛ n toberɛ. 2Se'ere n sɔe la, hon tɛn' mam mɛ la ho pɛɛma, ge ŋmɛ' mam la ho nu'o. 3Hom sunsunyiim la zuo, mam iŋa wa zan'an, ta ta' la mam konba, duni mɛ n be'em la zuo. 4Mam zi n tuure la mɛ n zuin, te bo tebegɛ velegera mam sigera teŋa. 5Mam gerego la zuo, nɔra n to'e mam iŋa wa zan'an fɛn'ɛra. 6Mam lu la teŋa nyinga, ge ɛɛra kɛla la bala, bolika, yɛ'a yu'uŋɔ. 7Mam poore dite mɛ la bugum, te mam iŋa zan'an dona. 8Mam kɔ'ɔn ba'ahɛ la zan'an daaŋɔ deko n boe mam suunren la, bo'ore ma la koonɔ. 9N Daana, ho mi' mam n bote sɛla. Ho nyɛte mam n kele ɛɛra sɛla. 10Mam paleŋa n ŋmɛ'ɛre, te mam yɛ'a lika, te mam nini ka le beha nyɛta sɛla. 11Te mam taaba, la mam zɔdoma zɛ'a kenkɛleŋa ha ge bahɛ mam, la n daaŋɔ wa zuo, te mam nɛreba me zɛ'a kenkɛleŋa ha, ge beha mam. 12Sɛba n eere mam kum la, nya gan'ahɛ ba bɛntɔ la. Te sɛba n eere ba pogolom mam la, tɔgɔra, ge tɛn'ɛha n sagaŋɔ yele saŋa woo. 13Ge mam ane mɛ wo waŋa la n ka wone, n ane mɛ wo gɔɔŋɔ la. 14Yelemɛŋɛrɛ mam ane mɛ wo nɛra n kan ta'an wone, la ka ta'an tɔgɔra la. 15Ge mam gure la hom Na'ayenɛ. La dela hom Na'ayenɛ wa n de mam Yenɛ wa n wan lerege bo mam. 16Mam po'ohegɔ dela, da bahɛ te sɛba te mam sɛregɛ te ba ŋmɛ'ɛra ba nyɔn'ɔn la mam wa, nyeem. 17Mam ye' la lua n bala, la woni mam mɛ. 18Mam porɛ n be'em la, mam suunre sagom mɛ la n yelebe'o la. 19Mam diŋdoma n kpe'em zo'e mɛ. Sɛba n yaɛ mam yoo la, me zo'e mɛ. 20Ba yaɛ mam mɛ, la mam n dole som la zuo, ge nya dekɛ be'em yɔɔra mam n etesoŋɔ la zuo. 21Na'ayenɛ, da zagahɛ mam, N Yenɛ wa, da zaan la mam. 22N Daana, la n Faanrɛ wa, soŋɛ mam kalam.

will be added

X\