Yooma 36

1Be'em ma'an n tɔgɔre potɔpa la suunre poan ha. Yenɛ zɔɔlom ka boe ba ninin. 2Ba pan'ahe la ba mɛhe, pon ka nyɛta ba be'em la, bii ba yehe bo poan. 3Ba nɔɔrɛ yetɔgom dela pan'ahegɔ, la ponpɔrɔŋɔ ma'an. Ba zagahɛ yam, la som mɛ. 4Ba han gan'an, ba maahene la pan'ahegɔ tooma ma'an, ba potɛn'ɛra lo mɛ la sɛla n dagɛ som, ba ka zagahe be'em. 5Na'ayenɛ, ho nɔŋerɛ kantɛ la wɔgɛ paɛ saazuo me ha, te ho birikinte la para saŋgbana. 6Ho gankerɛ wɔgɛ me wo zowɔgɔrɔ la, ho birikinte kɔ' me wo ko'kantɛ n kɔ' se'em. Na'ayenɛ, hom faanre saaleba, la dunhe la baha. 7Ho zo'ohogɔ la dela toolom lɔkɔ. Nɛra woo wan ta'an zɔ na sogɛ la hom kelompagehe poan. 8Ba dite la hom yire la na'am la poan, ge te ho bahɛ te nyuunre kolaa se'ere te hom nini gan'an de poan la poan. 9Vom bulega boe la hom poan. Hom nɛɛhom la poan te to nyɛta nɛɛhom. 10Tara ho zo'ohogɔ la bɔ'ɔra sɛba mi' ho la bala, ge tara ho faanrɛ la me bɔ'ɔra sɛba sunya poan n de tontɔɔ la me bala. 11Da bahɛ te nɛre wuruba wa na'arɛ nɛ mam, bii potɔpa nu'o sa'ɛ mam, 12Be'emdoma la n bala lu gan'an wa, ba wɔnrɛ ba mɛ bahɛ teŋa te ba kan le ta'an ihege.

will be added

X\